जैन इंटरन्रॅशनल संस्थेला देण्यास विरोधी पक्षाचा विरोध

वसतिगृहाचे व्यवस्थापन ‘जेआयओ’ला देण्यास विरोध
मुंबई, ता. २५ ः कांदिवली (पूर्व) विभागातील आकुर्ली गांव येथील मुलींच्या वसतिगृहाचे व्यवस्थापन जैन इंटरनॅशनल ऑर्गनायझेशन (जेआयओ) संस्थेकडे देण्याच्या प्रस्तावाला विरोधी पक्षांनी सुधार समितीत कडाडून विरोध केला; मात्र विरोधकांना न जुमानता प्रस्ताव मंजूर केल्याने विरोधकांनी तीव्र नाराजी व्यक्त केली.
आकुर्ली येथे पालिकेने १८ वर्षांवरील मुलींसाठी बांधलेल्या वसतिगृहाचे व्यवस्थापन करण्यासाठी जैन इंटरनॅशनल ऑर्गनायझेशन या संस्थेच्या नियुक्तीचा प्रस्ताव सुधार समितीच्या बैठकीत आला. विरोधी सदस्यांना डावलून तो मंजूर केल्याने सुधार समिती अध्यक्षांनी मुस्कटदाबी करून मनमानी पद्धतीने तो मंजूर केल्याचा आरोप विरोधकांनी केला. हा प्रकार लोकशाहीला धरून नाही, असे काँग्रेसचे गटनेते आश्रफ आझमी यांनी सांगितले.