तरुणीवर अत्याचारसह आर्थिक फसवणूक

भिवंडी, ता. ४ (वार्ताहर) : प्रेमाच्या जाळ्यात ओढून लग्नाच्या आणाभाका घेत तरुणीवर ती अल्पवयीन असल्यापासून अत्याचार करण्यासह तिची लाखोंची आर्थिक फसवणूक केल्याची घटना भोईवाडा पोलिस ठाणे हद्दीतून समोर आली आहे. याप्रकरणी २५ वर्षीय तरुणाविरोधात भोईवाडा पोलिस ठाण्यात पोक्सोसह विविध कलमान्वये गुन्हा दाखल करण्यात आला आहे.

कल्याण रोड येथे राहणाऱ्या तरुणाने २१ वर्षीय युवतीला ती अल्पवयीन असल्यापासून प्रेमाच्या शपथा देत प्रेमाच्या जाळ्यात ओढून लग्नाच्या भूलथापा देऊन तिच्यावर वेगवेगळ्या ठिकाणी अत्याचार केले. तसेच त्याचे व्हिडिओ चित्रण करीत व्हायरल करण्याची धमकी देत पीडितेकडून तब्बल १२ लाख रुपये उकळले. तसेच पैसे परत न करता फसवणूक केली. त्यामुळे पीडितेने भोईवाडा पोलिस ठाण्यात तक्रार दाखल केली आहे.