सकाळ कनेक्ट

निर्यातक्षम शेवगा लागवडीची कार्यशाळा
निर्यातक्षम शेवगा व्यवस्थापनाबाबत मार्गदर्शन करणारी कार्यशाळा रविवारी (ता. ३) आयोजित केली आहे. कार्यशाळेत निर्यातक्षम शेवगा उत्पादनाच्या आधुनिक पद्धती, विकसित जाती, खत व पाणी व्यवस्थापन, छाटणी, फुलोरा अवस्था, काढणी व्यवस्थापन, निर्यातीच्या संधी, निकष, ट्रेसिबिलिटी, शेवगा निर्यातीसाठी गुणवत्तेची पडताळणी, शेवगा निर्यातीसाठी परकीय बाजारपेठ, निर्यातीसाठी शेंगांचा देठ किती व कसा ठेवावा, रसायनमुक्त उत्पादन, निर्यातीसाठी कागदपत्रांची पूर्तता, देशनिहाय निर्यातीचे नियम इत्यादीसंदर्भात नामवंत तज्ज्ञ मार्गदर्शन करणार आहेत. स्थानिक तसेच आंतरराष्ट्रीय बाजारात शेवग्याची वाढती मागणी लक्षात घेता, ही कार्यशाळा शेवगा लागवड करू इच्छिणाऱ्यांसाठी फायद्याची आहे.
संपर्क : ८४८४८११५४४

रिअल इस्टेट प्रॉपर्टीचे व्हॅल्युएशन
रिअल इस्टेट प्रॉपर्टी व्हॅल्युएशन करण्याच्या क्षेत्रात यायचा विचार करीत असणाऱ्यांसाठी किंवा या क्षेत्रात काम करीत आहे परंतु सुयोग्य पद्धत माहित नाही, अशांसाठी उपयुक्त असे प्रशिक्षण ११ ते २४ ऑगस्टदरम्यान होणार आहे. हे प्रशिक्षण पूर्ण करून रिअल इस्टेट प्रॉपर्टी व्हॅल्युएशन करणाऱ्या कंपनीमध्ये नोकरी मिळू शकते. प्रशिक्षण ऑनलाइन दोन आठवडे व एक दिवस प्रात्यक्षिक, अशा स्वरूपात होणार आहे. सिव्हिल इंजिनिअर्स, आर्किटेक्ट्स व विद्यार्थी यांच्यासाठी प्रशिक्षण उपयुक्त आहे.
संपर्क : ९३५६९७३४२७

‘एनजीओ’ नोंदणीबाबत प्रशिक्षण
विविध कामांसाठी स्वयंसेवी संस्था अर्थात ‘एनजीओं’ना प्राधान्य दिले जाते. याद्वारे विकास, व्यवसायाच्या अनेक संधी उपलब्ध होतात. अशा स्वयंसेवी संस्थेची स्थापना, नोंदणी, निधीची उभारणी, संस्थेची कामकाज पद्धती, ‘सीएसआर’चे सहकार्य, प्रशासकीय व्यवस्थापन अशा स्वयंसेवी संस्थांशी निगडित माहिती देणारे प्राथमिक प्रशिक्षण १६ ऑगस्टला, तर प्रगत प्रशिक्षण १७ ऑगस्टला आयोजित केले आहे. यात संस्थेची स्थापना कशी करावी, प्रशासकीय दस्तऐवजीकरण करण्याची पद्धत, धर्मादाय आयोग व इतर सरकारी विभागांशी संपर्क कसा साधावा, प्रस्ताव तयार करणे व सादर करणे, कर्मचाऱ्यांची नियुक्ती, वार्षिक ताळेबंद, अहवाल कसे तयार करावेत, ‘एनजीओ’द्वारे शासकीय योजनांची अंमलबजावणी, संस्था नोंदणीनंतरची आवश्यक कागदपत्रे इत्यादीविषयी मार्गदर्शन होईल.
संपर्क : ८४८४८११५४४