ग्राहकाकडून दुकानदाराची अॉनलाईन फसवणूक

ग्राहकाकडून दुकानदाराची ऑनलाइन फसवणूक
रेवदंडा (बातमीदार) : बाजारपेठेतील एका दुकानातून ध्वनिक्षेपक खरेदी केलेल्या ग्राहकाने ऑनलाइन पैसे पाठवण्याच्या नावाखाली दुकानदाराची फसवणूक केली आहे. याप्रकरणी रेवदंडा पोलिस ठाण्यात गुन्हा दाखल करण्यात आला आहे.
ध्वनिक्षेपकाचे पैसे वर्ग होत नसल्याने दुकान मालक राहुल जैन यांनी त्यांच्या पत्नीचा मोबाईल नंबर दिला होता. त्यानुसार दुकानात आलेल्या व्यक्तीने मोबाईलवर पैसे पाठवल्याचा खोटा संदेश दाखवून जैन यांची फसवणूक केली होती. याप्रकरणी रेवदंडा पोलिस ठाण्यात बुधवारी (ता. ३) तक्रार दाखल करण्यात आली. गणेशोत्सव काळातच अशा प्रकारे फसवणुकीचे प्रकार होत असल्याने सतर्क राहण्याचे आवाहन पोलिसांनी केले आहे.