टोलदरात वाढ, मुंबईच्या पाच एन्ट्री पॉईंटवर 1 ऑक्टोबरपासून वाढीव टोल भार

मुंबईः  मुंबईच्या पाचही एन्ट्री पॉईंटवरील टोलच्या दरात वाढ होणार आहे. येत्या 1 ऑक्टोबरपासून टोलच्या दरात वाढ होईल. ही वाढ 5 ते 25 रुपयांची असेल. मुंबईच्या मुलुंड, वाशी, दहिसर, ऐरोली आणि लाल बहादूर शास्त्री मार्ग या पाचही प्रवेशद्वारांवर ही टोलवाढ लागू होणार आहे. या पाचही प्रवेशद्वारांवर एमईपी कंपनीचे टोलनाके आहेत.

वाढीव नवे दर 30 सप्टेंबर 2023 पर्यंत लागू असतील.  एमएमआर भागातील 55 उड्डाणपुलांच्या उभारणीच्या खर्च वसुलीसाठी 2002 ते 2027 या 25 वर्षांसाठी टोलवसुली करण्यात येणार आहे. महानगर प्रदेशातील 55 उड्डाणपुलांच्या उभारणीचा खर्च 2002 ते 2027 अशा 25 वर्षांत वसुलीसाठी हे टोलनाके  उभारण्यात आले. राज्य रस्ते विकास महामंडळासोबत झालेल्या करारानुसार टोलच्या दरात दर तीन वर्षांनी वाढ होते.  त्यानुसार कार आणि जीपसारख्या वाहनांना एकेरी प्रवासासाठी पाच रुपयांची वाढ होऊन टोल आता 40 रुपये होणारेय.  हलक्या वाहनांचा मासिक पासमध्येही 100 रुपयांची वाढ झाली आहे.  पाचही नाक्यांसाठी असलेला मासिक पास आता 1400 रुपयांवरुन 1500 रुपये होणारेय. 

अधिक वाचाः दादरकर काळजी घ्या, कोरोना रुग्णांच्या संख्येत झपाट्याने वाढ

१ ऑक्टोबरपासून कार, जीपसारख्या हलक्या वाहनांच्या एकेरी प्रवास दरात पाच रुपयांची वाढ होऊन आता टोलचा दर 40 रुपये होईल. मिनी बस, 12 ते 20 प्रवाशांची वाहतूक करणाऱ्या मध्यम वाहनांच्या टोल दरात 10 रुपयांनी वाढ होऊन तो 65 रुपये होईल. ट्रक आणि बसच्या टोल दरात 105 वरून 130 अशी 25 रुपयांची वाढ झाली. अवजड वाहनांचा टोल 135 रुपयांवरून 160 रुपये असा वाढविण्यात आला आहे.

असे असतील टोलचे नवीन दर 

• छोटी वाहनं - आधी 35 रुपये, आता 40 रुपये (5 रुपयांची वाढ)
• मध्यम अवजड वाहनं - आधी 55 रुपये, आता 65 रुपये (10 रुपयांची वाढ)
• ट्रक-बसेस - आधी 105 रुपये, आता 130 रुपये (25 रुपयांची वाढ)
• अवजड वाहनं - आधी 135, आता 160 रुपये (25 रुपयांची वाढ)
• हलक्या वाहनांचा मासिक पास - आधी 1400 रुपये, आता 1500 रुपये (100 रुपयांची वाढ)

Toll Rate Mumbai Entry Points Increase 5 to 25 from october 1