Navi Mumbai: उद्धव ठाकरेंची आज ऐरोलीत सभा, हे महत्वाचे रस्ते रहाणार बंद

Navi Mumbai News: ठाणे लोकसभा मतदारसंघाचे महाविकास आघाडीचे उमेदवार राजन विचारे यांच्या प्रचारानिमित्त ऐरोली सेक्टर तीनमधील श्रीराम विद्यालयाच्या मैदानावर जाहीर सभा होणार आहे. या सभेमुळे वाहतूक कोंडीची शक्यता असल्याने वाहतूक विभागाने रविवारी (ता. ५) दुपारी तीन ते रात्री दहा या कालावधीत ऐरोली सेक्टर १७ येथील जामा मस्जिद ते अक्षर सोसायटी, फायर ब्रिगेड चौक मार्गावर सर्व प्रकारची वाहतूक बंद आहे.(Uddhav thackeray News)

नवी मुंबई वाहतूक विभागाचे पोलिस उपआयुक्त तिरुपती काकडे यांनी जारी केलेल्या अधिसूचनेत रविवारी दुपारी तीन ते रात्री दहा वाजेपर्यंत स्वर्गीय मीनाताई ठाकरे मार्ग-भारत बिजली चौकाकडून तसेच ऐरोली सेक्टर १७ जामा मस्जिदकडे येणारी सर्व वाहतूक पूर्णपणे बंद आहे.

या काळात वाहनांना फायर ब्रिगेड चौक येथून सेक्टर पाच जानकीबाई मढवी हॉलमार्गे इच्छितस्थळी जाण्यासाठी पर्यायी मार्ग आहे. त्याचप्रमाणे ऐरोली सेक्टर तीनमधील अय्यंगार बेकरी ते ऐरोली सेक्टर चार महाराष्ट्र कॉम्प्युटर इन्स्टिट्यूट छत्रपती शाहु महाराज मार्गावर बदल करण्यात आला आहे.(Shivsena)

त्यामुळे या मार्गावरील वाहनांना ऐरोली सेक्टर तीनमधील जनता मार्केट ऐरोली डेपोमार्गे इच्छित स्थळी जाण्यासाठी पर्यायी मार्ग ठेवण्यात आला आहे. या अधिसूचनेतून इतर जीवनावश्यक वस्तू वाहून नेणारी वाहने तसेच पोलिस वाहने, फायर ब्रिगेड, रुग्णवाहिका व इतर अत्यावश्यक सेवेतील वाहनांना वगळण्यात आल्याचे रबाळे वाहतूक शाखेने स्पष्ट केले आहे.aairavli