महाराष्ट्राचे नवीन मुख्यमंत्री म्हणून उद्धव ठाकरे यांनी मुख्यमंत्रिपदाची शपथ घेतली. महाराष्ट्राचे मुख्यमंत्री म्हणून उद्धव ठाकरे यांनी शपथ घेतल्यानंतर महाराष्ट्रातील शिवसैनिकांना आणि महाविकास आघाडीला गोड बातमी मिळालीये. अशातच उद्धव ठाकरे यांनी आता सह्याद्री या शासकीय अतिथीगृहावर तातडीची मंत्रिमंडळाची बैठक बोलावालीये. उद्धव ठाकरे मंत्रिमंडळाची ही पहिलीवहिली बैठक आहे. या बैठकीच्या माध्यमातून उद्धव ठाकरे महाराष्ट्रातील शेतकऱ्यांसाठी कर्जमाफीचा निर्णय घेणार असल्याचं बोललं जातंय.
महाराष्ट्रातील शेतकरी कर्जाच्या बोज्याखाली दाबला गेलाय. त्याला बाहेर काढण्यासाठी महाविकास आघाडी शेतकर्यांना तातडीने कर्जमाफी देणार आहे. शेतमालाला योग्य हमीभाव मिळावा म्हणून आवश्यक उपाययोजना राबवल्या जाणार आहेत. अवकाळी पाऊस आणि पुराने शेतकऱ्यांची कंबर मोडली आहे. अशात अवकाळी आणि पुराने बाधित शेतकऱ्यांना मदत करणार. याचसोबत महाराष्ट्रातील दुष्काळग्रस्त भागात दीर्घकालीन उपाययोजना राबवल्या जाणार आहेत
शिवसेना पक्षप्रमुख उद्धव ठाकरे यांनी महाराष्ट्राचे 29 वे मुख्यमंत्री म्हणून शपथ घेतली. मंत्रिमंडळाची बैठक सध्या सुरु आहे, अशात शेतकरी कर्जमाफीच्या घोषणेकडे महाराष्ट्राचं लक्ष आहे.
दरम्यान, शिवाजी पार्क पुन्हा एका ऐतिहासिक क्षणाचा साक्षीदार झालाय. शिवसेना पक्षप्रमुख उद्धव ठाकरे यांनी 70 हजार लोकांच्या साक्षीनं मुख्यमंत्रीपदाची शपथ घेतली. भगवा सदरा परिधान करून साडेसहाच्या सुमारास उद्धव ठाकरे शिवतीर्थावरच्या व्यासपीठावर दाखल झाले. उपस्थित जनसमुदायाला अभिवादन करत त्यांनी मुख्यमंत्रिपदाची शपथ घेतली. त्यानंतर उद्धव ठाकरे संपूर्ण जनसमुदायासमोर नतमस्तक झाले. डोळ्यांचं पारणं फेडणारा असाच हा क्षण होता.
uddhav thackeray called his first cabinet meeting after oath taking ceremony
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.