मोखाडा : मोखाडा तालुक्याला शुक्रवारी 4 एप्रिल ला अवकळी वादळी पावसाने झोडपले होते. या वादळी पावसाने मोखाड्यातील खोडाळा भागातील अनेक गावपाड्यांतील घरांचे, फळबागा तसेच फुलशेतीचे मोठे नुकसान झाले आहे. या घटनेची तातडीने आमदार हरिश्चंद्र भोये यांनी प्रत्यक्ष पाहणी करून नुकसान ग्रस्तांना दिलासा दिला आहे. तसेच नुकसान ग्रस्त भागाचे पंचनामे करण्याच्या सुचना दिल्या आहेत.