"बंदमध्ये कार्यकर्त्यांनी मोठ्या प्रमाणात सहभागी व्हावे", शेतकऱ्यांच्या 'भारत बंद" ला वंचित बहुजन आघाडीचा पाठिंबा

सुमित बागुल
Monday, 7 December 2020

बंदमध्ये कार्यकर्त्यांनी मोठ्या प्रमाणात सहभागी होण्याचे आवाहन वंचित बहुजन आघाडीचे प्रदेशाध्यक्ष अशोक सोनोने यांनी केले आहे.

मुंबई : केंद्र सरकारने केलेले शेतकरी विरोधी कायदे रद्द करावेत या प्रमुख मागणीसाठी आणि शेतकरी हिताच्या इतर मागण्यांसाठी दिल्लीत सुरू असलेल्या शेतकरी आंदोलनाला वंचित बहुजन आघाडी पाठिंबा जाहीर केला आहे.

देशभरातील शेतकऱ्यांनी या मागणीसाठी 8 डिसेंबर 2020 रोजी 'भारत बंद' ची हाक दिली आहे. वंचित बहुजन आघाडी या 'बंद'मध्ये सहभागी होत असून सर्वांनी हा बंद यशस्वी करण्यासाठी प्रयत्न करावेत असे आवाहन करीत आहे.

महत्त्वाची बातमी : "OBC समाजाची स्वतंत्र जनगणना करावी", उपसमितीच्या अहवालात आणखी कोणत्या आहेत मागण्या?

उद्योगपतींच्या हिताचे आणि शेतकऱ्यांवर अन्याय करणारे कायदे सरकारने रद्द करावेत. शेतमालाला किमान हमीभावाचे संरक्षण कायद्याद्वारे मिळावे. बाजारभाव पडल्यास कृषी उत्पन्न बाजार समितीच्या माध्यमातून शेतक-याचा माल सरकारने विकत घ्यावा आणि जिल्हा बँकेच्या माध्यमातून तात्काळ 50% रक्कम शेतकऱ्यांच्या खात्यावर जमा करण्याची तरतूद कायद्यात करण्यात यावी अशी मागणी वंचित बहुजन आघाडीचे करीत आहे.

या बंदमध्ये कार्यकर्त्यांनी मोठ्या प्रमाणात सहभागी होण्याचे आवाहन वंचित बहुजन आघाडीचे प्रदेशाध्यक्ष अशोक सोनोने यांनी केले आहे.

मुंबईतील  सर्व महत्त्वाच्या बातम्यांसाठी इथे क्लिक करा । Marathi News From Mumbai

vanchit bahujan aaghadi supports 8th decembers bharat bandh


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: vanchit bahujan aaghadi supports 8th decembers bharat bandh