विक्रमगड : दुचाकी-जीपच्या अपघातात तरुण ठार; दोघे जखमी

विक्रमगड : विक्रमगड-तलवाडा मार्गावरील (Vikramgad-Talwada road) रस्त्यावरील दादडे गावाजवळ शनिवारी सकाळी १०च्या सुमारास दुचाकी आणि जीपची समोरासमोर जोरदार धडक झाली. या अपघातात (bike and jeep accident) दुचाकीवरील अजित सुरेश उमतोल (वय. २२ वर्षे, रा. डोल्हारी) या तरुणाचा जागीच मृत्यू (Ajit umtol death) झाला, तर नागेश विष्णू तुंबडा (२०) व सुरेंद्र विलास दोडे (२३) हे दोघे जखमी झाले (two people injured) आहेत.

तलवाडाकडून विक्रमगडकडे भरधाव वेगाने दुचाकी जात होती. विक्रमगडकडून तलवाडाकडे जाणारी जीपसुद्धा वेगात होती. या दोन्ही वाहनांचा दादडे गावाजवळ अपघात झाला. हा अपघात इतका भीषण होता की मोटर सायकलचा चक्काचूर झाल्याचे प्रत्यक्षदर्शींनी सांगितले. गाडीचालक यांच्यासह मागे बसलेल्या तरुणांमधील कुणाकडे हेल्मेट नव्हते, तसेच चालकाकडे लायसन्सही नसल्याची माहिती समोर येत आहे.