Virar Extortion Threat: पॉक्सो प्रकरणात अडकवण्याची धमकी, ५ लाखांची खंडणी; मानसिक छळाला कंटाळून विरारमधील तरुणाने जीवन संपविले.

विरार: विरार पूर्व येथील फुलपाडा परिसरात एका 32 वर्षीय तरुणाने आत्महत्या केल्याची धक्कादायक घटना उघडकीस आली असून, सततच्या मानसिक छळ आणि 5 लाख रुपयांच्या खंडणीच्या मागणीला कंटाळून त्याने टोकाचे पाऊल उचलल्याचा आरोप करण्यात आला आहे. या प्रकरणी विरार पोलिसांनी दोन जणांविरोधात गुन्हा दाखल करून तपास सुरू केला आहे.