मोठी बातमी - BMC ताब्यात घेणार मुंबईतील वानखेडे स्टेडियम, वानखेडेत होणार 'या' कोरोना रुग्णांचे उपचार

सकाळ वृत्तसेवा
Saturday, 16 May 2020

मुंबईतील वरळीमधील NSCI डोम, BKC मैदान, गोरेगावमधील एग्झिबिशन सेंटरनंतर आता मुंबईतील वानखेडे स्टेडियमचा वापर कोरोनाविरुद्धच्या लढाईसाठी केला जाणार आहे

मुंबई - मुंबईतील वरळीमधील NSCI डोम, BKC मैदान, गोरेगावमधील एग्झिबिशन सेंटरनंतर आता मुंबईतील वानखेडे स्टेडियमचा वापर कोरोनाविरुद्धच्या लढाईसाठी केला जाणार आहे. मुंबई महापालिकेकडून मुंबई क्रिकेट असोसिएशन म्हणजेच MCA ला एक पत्र पाठवण्यात आलंय. यामध्ये वानखेडे स्टेडियमचा वापर कोरोनाविरुद्धच्या लढाईसाठी केला जाणार असल्याचं नमूद केलंय. मुंबईच्या A वॉर्ड मधील सहाय्यक मनपा आयुक्त चंदा जाधव यांच्याकडून हे पत्र पाठवण्यात आलंय. 

हेच ठरू शकतं कारण कोरोनाच्या दुसऱ्या मोठ्या लाटेचं, धारावीतल्या 'हाय रिस्क' झोनमधले कामगारही...

वानखेडे स्टेडियमवर अशा रुग्णांना ठेवण्यात येणार आहे जे कोरोना रुग्णांच्या थेट संपर्कात आले आहेत आणि ज्यांना कोणतीही कोरोनाची लक्षणं दिसत नाहीत. गेल्या दोन दिवस सातत्याने मुंबईतील कोरोना रुग्णांचा आकडा ९०० च्या वर जाताना पाहायला मिळतोय. गुरुवारी ९९८ तर काल म्हणजेच शुक्रवारी ९३३ नवीन कोरोना रुग्ण एकट्या मुंबईतून आढळले आहेत. वरळीतील NSCI डोमनंतर एखाद्या क्रीडा संकुलाचे वापर कोरोनासाठी करण्याची ही दुसरी वेळ आहे.  

आरोग्यमंत्री राजेश टोपे यांचं सर्वात मोठं वक्तव्य, मुंबईतील कोरोनाबाबत म्हणालेत...

MCA च्या अधिकाऱ्यांच्या माहितीप्रमाणे एप्रिल महिन्यातच MCA कडून मुंबई महापालिकेला वानखेडे स्टेडियमचा वापर कोरोनाविरुद्धच्या लढाईसाठी करण्याबाबत कळवण्यात आलं होतं. कोरोनाविरुद्धच्या लढाईत हातभार लावणं गर्वाचं असल्याचंही MCA च्या अधिकाऱ्यांनी सांगितलं. दरम्यान मुंबई महापालिकेकडून गुरुवार दिनांक १४ मे रोजी MCA ला या संदर्भात पत्र आलं आहे, मात्र वानखेडे स्टेडियमच्या कोणत्या भागांचा वापर कोरोना रुग्णांसाठी होणार असल्याची माहिती MCA कडे नसल्याचंही त्यांनी सांगितलंय. 

wankhede stadium of churchgate will be use for covid quarantine facility


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: wankhede stadium of churchgate will be use for covid quarantine facility