मुंबईत पुन्हा महाभयंकर पाऊस होऊ शकतो, 'ही' आहे तारीख....

मुंबईत पुन्हा महाभयंकर पाऊस होऊ शकतो, 'ही' आहे तारीख....

मुंबई : मुंबईत या आठवड्याच्या सुरवातीला म्हणजेच सोमवारी पावसाची संततधार सुरु झाली. मंगळवारी आणि बुधवारी मुंबईत धुवाधार पाऊस बरसला. मुंबईत बरसणाऱ्या पावसाने गेल्या अनेक वर्षांचे रेकॉर्डही मोडलेत. मुबंईत ज्या भागात पाणी साठत नाही त्या भागातही कालच्या पावसामध्ये पाणी साठलेलं पाहायला मिळालं. कोरोनाच्या संवेदनशील काळात अनेक घरांसोबतच मुंबईच्या जे जे हॉस्पिटलमध्ये देखील मोठ्या प्रमाणात पाणी शिरलं. गेल्या अनेक वर्षात मुंबईत असा पाऊस पहिला नाही असं अनेकांनी म्हंटलं. मुंबईतील पावसाचं हे भीषण रौद्र रूप पाहून मुंबईकरांची चिंता चांगलीच वाढली होती.

दरम्यान, मुंबईत पुन्हा असाच भयंकर पाऊस होऊ शकतो असा अंदाज हवामान विभागाकडून वर्तवण्यात आला आहे. मुंबई पाऊस केंद्रीय हवामान खात्याचे संशोधक डॉक्टर जेनमानी यांनी याबाबत माहिती दिली आहे. काल आणि  परवा ज्याप्रकारे वादळी वाऱ्यांसह मुसळधार पाऊस कोसळला, तसा मुसळधार पाऊस येत्या ११ तारखेला म्हणजे येत्या मंगळवारी होणार असल्याचा अंदाज त्यांनी वर्तवलाय. 

आजही मुसळधार पावसाचा इशारा : 

आज सकाळपासून मुंबईतील पावसाने जरा उसंत घेतली आहे. पण आजही मुंबई, ठाणे, पालघर आणि रायगड परिसरात अतिमुसळधार पावसाचा अंदाज वर्तवण्यात आला आहे. पावसाच्या पार्श्वभूमीवर मच्छिमारांनी समुद्रात जाऊ नये असंही सांगण्यात आलंय. हवामान विभागाने आजच्या पावसासाठी  रेड अलर्ट जारी केलाय. 

weather department scientist predicts massive rainfall in mumbai on 11th august 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com