Western Railway Local Train Service
ESakal
मुंबई : पश्चिम रेल्वे मार्गावरील प्रवाशांसाठी दिलासादायक निर्णय घेण्यात आला आहे. येत्या १९ फेब्रुवारीपासून एसी लोकलच्या १२ आणि साध्या लोकलच्या तीन फेऱ्यांची वाढ करण्यात येणार आहे. या वाढीमुळे दिवसभरातील लोकल फेऱ्यांची एकूण संख्या १,४१४ वर जाणार असून गर्दी कमी होण्यास मदत होणार आहे. नवीन फेऱ्यांची अंमलबजावणी १९ फेब्रुवारीला छत्रपती शिवाजी महाराज जयंतीदिनापासून करण्यात येणार आहे.