नालासोपारा : वसईतील (Vasai) हॉटेलमध्ये मित्राने-मैत्रिणीची निर्घृणपणे हत्या (Murder crime) केल्याची घटना आज उघड झाली. याबाबत वसई पोलिस ठाण्यात (vasai police station) हत्येचा गुन्हा दाखल (Murder case) करून फरार आरोपीचा शोध सुरू आहे. सागर नाईक व सायली शहासने हे दोघेही वसईच्या एव्हरशाईन परिसरात राहणारे आहेत. रविवारी (ता. २७) या दोघांनी ऑनलाईन रूम बुक करून स्टेट्स हॉटेलमध्ये गेले होते. सायंकाळी सहा वाजण्याच्या सुमारास तरुण हॉटेलमधून निघून गेला.
हॉटेलमधील कर्मचाऱ्यांनी रात्री रूमचे दार वाजविले असता कोणताही प्रतिसाद मिळाला नाही. आज सकाळीही चेकआउटवेळी कोणतेही उत्तर न मिळाल्याने पोलिसांच्या उपस्थितीत दरवाजा उघडला असता सायली रक्ताच्या थारोळ्यात पडलेली आढळून आली. तिच्या शरीरावर धारदार हत्याराने वार करून हत्या केली असून या प्रकरणी गुन्हा दाखल असल्याचे वसई पोलिस ठाण्याचे वरिष्ठ पोलिस निरीक्षक कल्याणराव करपे यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
