अंधेरी : गेल्या 24 तासांत मुंबई पोलीस दलातील 4 जणांचा कोरोनामुळे मृत्यू झाला आहे. एकाच दिवशी चार जणांचा मृत्यू झाल्याने पोलीस दलात शोककळा पसरली आहे. आतापर्यंत 27 पोलीस कर्मचाऱ्यांचा कोरोना मुळे मृत्यू झाला आहे.
अनिल कांबळे वांद्रे येथे वयोवृद्ध आई, पत्नी व मुलासोबत राहत होते. सध्या ते वाकोला पोलीस स्टेशनमध्ये कार्यरत होते. 55 वयाच्या वरील असल्यामुळे ते घरी होते. त्यांची तब्येत अचानक बिघडल्यामुळे त्यांना रुग्णालयात दाखल करण्यात आले होते. मात्र उपचार सुरू असताना त्यांचा मृत्यू झाला. ते जून रोजी निवृत्त होणार होते.
दुसऱ्या घटनेत हेमंत कुंभार (51) यांचा अंधेरी येथे सेव्हन हिल हॉस्पिटलमध्ये मृत्यू झाला. ते गोरेगाव येथे पत्नी व मुलासोबत रहात होते. ते दिंडोशी येते कार्यरत होते. त्यांनी परराज्यातील लोकांना पाठवण्याचे काम केले होते.
गेल्या आठवड्यात त्यांची तब्येत बिघडल्याने त्यांना सेव्हन हिल हॉस्पिटलमध्ये दाखल केले होते. उपचार दरम्यान त्यांचा मृत्यू झाला. त्यांचा कोरोना अहवाल पाॅझिटीव्ह आला होता.
तिसऱ्या घटनेत बोरिवली पोलीस ठाण्याचे पोलीस शिपाई संदेश केणी यांचा मृत्यू झाला. केणी हे वसई यथे कुटुंब सोबत राहत होते. त्यांचा कोरोना अहवाल पाॅझिटीव्ह आला होता. त्यांना 6 जून रोजी नालासोपारा येथे स्टार हॉस्पिटलमध्ये उपचारासाठी दाखल करण्यात आले होते. मात्र उपचार सुरू असताना त्यांचा मृत्यू झाला.
सोशल डिस्टनसिंग पाळण्याचे आयुक्तांचे आवाहन
सहायक पोलीस ऊप निरीक्षक दिपक लोळे यांचा शुक्रवारी मृत्यू झाला. दीपक यांना किडनी व इतर आजार होते. त्यामुळे त्यांना व्हेंटिलेटरवर ठेवण्यात आले होते. पोलिस दलातील वाढत्या मृत्यूमुळे पोलीस दलावर शोककळा पसरली असून पोलिसांनी सोशल डिस्टनसिंग पाळून काम करावे असे आवाहन मुंबई पोलीस आयुक्त परमबीर सिंग यांनी केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.