जोगेश्वरीतल्या तरुणीला फेसबुकवरील मैत्री पडली महागात

जोगेश्वरीतल्या तरुणीला फेसबुकवरील मैत्री पडली महागात

मुंबईः  जोगेश्वरीतील 22 वर्षीय तरुणीला  फेसबुकवरील मित्राने पार्टीला बोलावून महिलेला मद्यपाजून तिच्यावर अत्याचार केल्याची धक्कादायक घटना घडली. या प्रकरणी जोगेश्वरी पोलिस ठाण्यात गुन्हा नोंदवण्यात आला आहे. सध्या पोलिस आरोपीचा शोध घेताहेत.

जोगेश्वरी परिसरात राहणाऱ्या 22 वर्षीय तरुणीची काही दिवसांपूर्वी फेसबुकवर मोहित शहा नावाच्या व्यक्तीशी ओळख झाली होती. फेसबुकद्वारे एकमेकांशी वारंवार संवाद साधत असल्यामुळे दोघांमध्ये मैत्रीचे संबंध निर्माण झाले होते. पीडित तरुणही एकटीच राहात होती. नुकतीच पीडित तरुणीनं तिची खोली बदलली. तिने भाड्याने नवीन खोली घेतली होती. ही माहिती तिने शहाला सांगितली. त्यावर शहाने तिच्याकडे पार्टीची मागणी केली असता. पीडित तरुणी पार्टी द्यायला नकार देऊ शकली नाही. 27 नोव्हेंबरला  सायंकाळी आरोपी शहा हा बिअरची बाटली घेऊन पीडित तरुणीच्या घरी आला. दोघांनी मद्यपान केल्यानंतर पीडित तरुणी नशेत धुंद होती. 

तरुणीच्या याच परिस्थितीचा फायदा घेऊन शहा याने तिच्यावर 3 वेळा अत्याचार केले. दुसऱ्या दिवशी तरुणी शुद्धीवर आल्यानंतर आपल्यासोबत शहाने गैरकृत्य केल्याचे लक्षात आल्यानंतर तरुणीनं जोगेश्वरी पोलिस ठाणे गाठले. तरुणीनं दिलेल्या तक्रारीनुसार पोलिसांनी 376 भा.द.वि अंतर्गत गुन्हा नोंदवला असून पोलिस आरोपीचा शोध घेताहेत.

(संपादन- पूजा विचारे)

A young woman from Jogeshwari hurt by Facebook friend

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com