नांदेड : ३०५ अहवाल कोरोना पॉझिटिव्ह

नांदेड : मागील अनेक दिवसांपासून जिल्ह्यातील कोरोना रुग्णांच्या संख्येत घट व मृत्यू दर शुन्यावर आला होता. रविवारी (ता.३०) प्राप्त झालेल्या एक हजार ६१३ अहवालापैकी ३०५ अहवाल कोरोनाबाधित आले आहेत. दिवसभरात ४०३ रुग्ण आजारातून बरे झाल्याने त्यांना रुग्णालयातुन घरी सोडण्यात आले आहे. रविवारी विष्णुपुरीच्या डॉ. शंकरराव चव्हाण शासकीय रुग्णालयात उपचार सुरु असलेल्या प्रकृती अतिगंभीर असलेल्या दोन रुग्णांचा उपचारादरम्यान मृत्यू झाला आहे.

जिल्ह्यात एकूण बाधितांची संख्या एक लाख एक हजार २८८ एवढी झाली असून यातील ९६ हजार ८१ रुग्णांना रुग्णालयातून सुटी देण्यात आली आहे. जिल्ह्यात आतापर्यंत बाधित मृत रुग्णांची संख्या दोन हजार ६६७ झाली आहे. आजच्या बाधितांमध्ये नांदेड महापालिका हद्दीत १४७, नांदेड ग्रामीण १८, लोहा १०, बिलोली नऊ, माहूर दोन, कंधार १६, मुदखेड १०, भोकर दोन, हदगाव दोन, मुखेड ११, नायगाव ११, देगलूर ११, किनवट १२, हिमायतनगर दोन, हिंगोली सात, आंध्रप्रदेश एक, पंजाब एक, उमरी १८, अर्धापूर पाच, वाशीम एक, उमरखेड दोन, अकोला एक, औरंगाबाद तीन, चंद्रपूर एक, मुंबई एक, नागपूर एक, असे एकूण ३०५ बाधित आढळले आहेत.

विष्णुपुरी शासकीय रुग्णालयात उपचार सुरु असलेल्या खडकपूरा येथील २८ वर्षीय महिला व मुखेड तालुक्यातील शेवडी तांडा येथील ३० वर्षिय पुरुष असे दोन बाधितांचा उपचारादरम्यान मृत्यू झाला. उपचार घेत असलेल्या बाधितांमध्ये शासकीय वैद्यकीय महाविद्यालय विष्णुपुरी २९, नांदेड जिल्ह्यातील तालुक्यांतर्गत गृह विलगीकरण एक हजार २९३, नांदेड महापालिका गृहविलगीकरणात एक हजार १७३, किनवट कोविड रुग्णालय दोन, जिल्हा रुग्णालय कोविड हॉस्पिटल ३५ असे एकूण दोन हजार ५३२ व्यक्ती उपचार घेत आहेत. त्यापैकी चार बाधितांची प्रकृती गंभीर आहे.