नांदेड : भारत जोडो यात्रेमुळे गुरूवारी शहरातील वाहतूक मार्गात बदल करण्यात आला आहे. पोलीस अधिक्षक श्रीकृष्ण कोकाटे यांनी वाहतूकीच्या नियमात हा बदल केला असून रुग्णवाहिका व अत्यावश्यक सेवेतील वाहने तसेच पोलीस अधिक्षक कार्यालयाने परवानगी दिलेल्या वाहनाला या अधिसुचनेतुन मोकळीक देण्यात आली आहे. गुरुवारी (ता. दहा) दुपारी चार ते रात्री अकरा वाजेपर्यत नागपुर-हिंगोलीकडुन येणारी वाहतुक सर्व प्रकारची वाहने जाणे - येण्यासाठी पूर्ण बंद राहील. नरसीकडुन नांदेडकडे जाणे - येण्यासाठी पूर्ण बंद राहील. चंदासिंग कार्नर ते ढवळे कार्नर, चंदासिंग कार्नर - वाजेगाव - देगलुर नाका - बाफना - रेल्वे स्टेशन पूर्ण बंद राहील.
महाराणा प्रताप चौकाकडुन बाफना टी पॉईन्टकडे तसेच महाराणा प्रताप चौकाकडुन हिंगोली गेट, चिखलवाडीकडे जाणे - येण्यासाठी बंद राहील. रेल्वे स्थानक - शिवाजी महाराज पुतळाकडुन गांधी पुतळ्याकडे व वजीराबाद चौकाकडे वाहतुक बंद राहील. महावीर चौक ते शिवाजी महाराज पुतळ्याकडे बंद राहील. महावीर चौक ते वजीराबादकडे बंद राहील. जुना कौठा - रामसेतु पुल -तिरंगा चौक - वजीराबाद चौककडे येणारी वाहतुक वजीराबाद चौक ते आयटीआय चौक बंद राहील.
आयटीआय चौक ते अण्णा भाऊ साठे पुतळ्याकडे आणि परत आयटीआय चौक ते राज कार्नर - आसना ब्रिजकडे जाणे - येण्यासाठी बंद राहील. आसना ब्रिज ते शंकरराव चव्हाण चौकाकडे जाणे - येण्यासाठी बंद राहील. भोकर फाटा ते नांदेडकडे येणारी वाहतुक आसना पुलापर्यंत बंद राहील. त्यामुळे या ऐवजी पर्यायी मार्गाचा वापर करण्याचे आवाहन वाहनधारकांना करण्यात आले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.