नांदेड : राज्यात गैरसमज पसरविण्यासह महाविकास आघाडी सरकारची बदनामीसाठी भारतीय जनता पक्षाने कार्यक्रम सुरू केला आहे. मराठा आरक्षणाबाबतही भाजपने हाच अजेंडा पुढे रेटला आहे. मराठा आरक्षणाविरोधात भाजपशी संबंधित 'सेव्ह मेरिट’ ही संघटना असून, तिला रसद पुरविण्याचे कार्य देवेंद्र फडणवीस यांच्या काळात झाले. त्यामुळे मराठा आरक्षणास भाजपचा प्रखर विरोध असल्याचा आरोप कॉँग्रेसचे प्रवक्ते सचिन सावंत यांनी केला.
येथे रविवारी (ता.२४) पत्रकारांशी संवाद साधताना ते म्हणाले, राज्यातील कोकण आणि गुजरातमध्ये अतिवृष्टी झाली. पंतप्रधान नरेंद्र मोदी यांनी गुजरातला मदत दिली. ती कोकणाला दिली नाही. त्यामुळे केंद्र सरकार हे महाराष्ट्रातील शेतकऱ्यांप्रति बेजबाबदार असल्याचे सिद्ध होते.
मुख्यमंत्री उद्धव ठाकरे, उपमुख्यमंत्री अजित पवार, सार्वजनिक बांधकाममंत्री अशोक चव्हाण यांच्या शिष्टमंडळाने दिल्लीत जाऊन पंतप्रधान नरेंद्र मोदी यांची भेट घेऊन पीकविम्याबाबत बीड पॅटर्न राबविण्याची विनंती केली. ती अद्याप मान्य झाली नाही.
नाराजी नाही काँग्रेस प्रवक्ते पदाच्या राजीनाम्याबद्दल विचारले असता सावंत म्हणाले, ‘मी अनेक वर्षांपासून या पदाची दबाबदारी पार पाडत आलो आहे. त्यामुळे मी पक्षाकडे त्यापेक्षा पुढची जबाबदारी मागितली आहे. त्यावर पक्ष विचार करील. त्यात माझी नाराजी अजिबात नाही’.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
