नांदेड ः बच्चेकंपनींनी यंदा सहल आणि गॅदरिंगला केले ‘मिस’ 

नांदेड : दरवर्षी डिसेंबर-जानेवारी महिन्यात शाळा-महाविद्यालयांमधून शैक्षणिक सहलीसह वार्षिक स्नेहसंमेलनाची धामधूम असते. परंतू यंदा कोरोना विषाणू संसर्गजन्य परिस्थितीने निर्बंध आले आहेत. सध्या ग्रामीण भागातील शाळा बच्चेकंपनीसाठी ‘लॉक’च असल्याने चिमुकल्यांना यंदा सहलीची मज्जा आणि गॅदरिंगचा आनंद लुटता आलेला नाही. बच्चेकंपनी मात्र दरवर्षी शाळेत होणाऱ्या सहलीतील ‘मज्जा’ आणि गॅदरिंगमधील ‘धम्माल’ मिस केल्याची खंत चिमुकल्यांसह शिक्षकांमधूनही व्यक्त होत आहे. 

दिवाळीनंतर शाळा सुरू झाल्यावर डिसेंबर महिन्यात शालेय विद्यार्थ्यांना शैक्षणिक सहल आणि वार्षिक स्नेहसंमेलांची चाहूल लागते. सहलीमुळे चिमुकल्यांचा उत्साह ओसंडून वाहत असतो. अनोळखी गावाचा प्रवास करताना विद्यार्थी वेगळ्याच विश्वात रममाण होतात. यातून विविध ऐतिहासिक व निसर्गरम्य ठिकाणांचा विद्यार्थ्यांना प्रत्यक्ष अनुभव दिला जातो. सहलीसोबतच वार्षिक स्नेहसंमेलनात विद्यार्थ्यांना विविध कलागुण सादर करण्याची मोठी संधी असते. 

हेही वाचा - कोरोना रुग्ण बरे होण्याचे प्रमाण ९४ टक्के, शनिवारी ३५ रुग्ण कोरोनामुत्त; ४४ जणांचे अहवाल पॉझिटिव्ह

सगळ्याच गोष्टींना केले मिस
परंतु यंदा मार्च महिन्यापासून शैक्षणिक नियोजन विस्कळीत झाले असल्याने सहल आणि वार्षिक स्नेहसंमेलनाच्या आनंदावर विरजण पडले आहे. गेल्या सात महिन्यांपासून घरीच बसून कंटाळलेली बच्चेकंपनी शाळेचे विश्व प्रत्यक्ष अनुभवता आली नसल्याने हिरमुसली आहेत. सहल, गॅदरिंग, प्रार्थना, शालेय परिपाठ या सगळ्या गोष्टींना ‘मिस’ करत असल्याचे दिसून येत आहे. 

येथे क्लिक कराच - नांदेड : बदलती आव्हाने पेलण्यासाठी पत्रकारांनी सज्ज व्हावे : खासदार डॉ. विनय सहस्रबुद्धे
  
दिवाळीत थोडीफार उसंत 
यंदा कोरोनाच्या धास्तीतच शैक्षणिक अर्धे सत्र संपून गेले आहे. घरी बसून कंटाळा आलेली मुले कोरोनामुळे कुठे पाहुणे म्हणून गेलेली नाहीत. आजोळ, मामाचे गाव अशी उन्हाळा सुट्टीत मजा करण्यासाठी ठरलेली गावे कोरोनामुळे बच्चेकंपनीला या गावांना जाता आलेले नाही. दिवाळी आणि भाऊबीजेला आई वडिलांसोबत थोडेफार बाहेर जायला मिळाले. तीच थोडीफार उसंत. परंतू गेल्या आठ महिन्यांपासून गंमतजंमत नावाचा प्रकारच त्यांना अनुभवता येत नसल्याने बच्चेकंपनी हिरमुसल्याचे वास्तव बघायला मिळत आहे.

नांदेड जिल्ह्यातील इतरही घडामोडी वाचण्यासाठी येथे क्लिक करा