Corona Breaking ः आज पुन्हा सात पॉझिटिव्ह,  तीनच दिवसात ३७ रुग्णांची भर

नांदेड : जिल्ह्यात कोरोनाचे मिटर दिवसेंदिवस वाढतच आहे. शुक्रवारी (ता.पाच जून) प्राप्त झालेल्या ४८ स्वॅब नमुने अहवाल प्राप्त झाले.  त्यातील ३७ स्वॅब अहवाल निगेटिव्ह तर सात जणांचा अहवाल पॉझिटिव्ह आल्याची माहिती जिल्हा शल्यचिकित्सक डॉ. निळकंठ भोसीकर यांनी दिली. 

शुक्रवारी नव्याने आढळुन आलेल्या सात पॉझिटिव्ह रुग्णांमध्ये चार पुरुषांचा तर तीन महिलांचा समावेश असून, यातील सहा पॉझिटिव्ह रुग्ण हे नवीन आबादी येथील रहिवाशी आहेत. पूर्वी सापडलेल्या पॉझिटिव्ह रुग्णांच्या संपर्कातील असल्याचे सांगण्यात येत आहे. तर एक माहूर तालुक्यातील पलाईगुडा येथील रहिवाशी आहे.  जिल्ह्यातील पॉझिटिव्ह रुग्णांची संख्या १८९ इतकी झाली आहे. यातील आठ रुग्णांचा उपचारा दरम्यान मृत्यू झाला आहे. गुरुवार (ता.चार) सायंकाळपर्यंत १२६ रुग्ण कोरोनामुक्त होऊन घरी परतले असल्याची माहिती आरोग्य विभागाकडून दिली.  
 
हेही वाचा- पैशाची अडचण ठरली दुय्यम, ‘श्री गुरुजी’त रुग्णावर सर्जरी प्रथम...

नवीन आबादीतील सहा रुग्णांची भर

गुरुवारी (ता.चार) सापडलेल्या सात पॉझिटिव्हपैकी पाच रुग्ण हे नवीन आबादी येथील बाधित कामगार रुग्णाशी संपर्कातील नातेवाईक असल्याची बाब मोर आली. तर दोन रुग्ण इतर जिल्ह्यातील आहेत. त्यामुळे शहरातील नई आबादी येथील पॉझिटिव्ह रुग्णांची संख्या डझनभर झाली आहे. बुधवारी (ता. तीन) १११ स्वॅब अहवालापैकी ६३ स्वॅब नमुने अहवाल प्राप्त झाले होते. ४८ अहवालाची प्रतिक्षा होती. त्यानंतर गुरुवारी पुन्हा नवीन आबादी परीसरातील पॉझिटिव्ह रुग्णाच्या संपर्कातील २५ संशयितांचे स्वॅब नमुने तपासणीसाठी घेण्यात आले होते. शुक्रवारी (ता.पाच) रोजी दुपारी ४८ स्वॅब अहवाल प्राप्त झाले आहेत. त्यात नवीन आबादीतील सहा रुग्णांची भर पडली आहे.
  
हेही वाचा- महाविद्यालयातील कॅम्पसचे लूक बदलणार, कशासाठी? ते वाचा ​
गर्दीच्या ठिकाणी समांतर अंतर राखण्याचे अवहान
एकीकडे बाजारपेठ सुरु होत असताना शहरातील पॉझिटिव्ह रुग्णसंख्या वाढत असल्याने चिंतेचे वातावरण निर्माण झाले आहे. त्यामुळे नांदेड जिल्हा पुन्हा रेड झोनकडे तर वाटचाल करत नाही ना? असा प्रश्‍न उपस्थित होत आहे.  त्यामुळे आता नांदेडकरांनी स्वतःची खबरदारी घेणे अत्यावश्‍यक झाले आहे. बाजारात गर्दीच्या ठिकाणी समांतर अंतर राखुन व तोंडाला मास्क बांधुन नियमितपणे सॅनिटायझरचा वापर करावा असे आवाहन प्रशासनाकडून केले जात आहे. 

नांदेड कोरोना मिटर
- बाधित व्यक्तींची एकूण संख्या १८२
- १२६ जणांना घरी सोडले
- ५५ जणांवरउपचार सुरू
- ८ बाधीतांचा मृत्यू