Nanded Newssakal
नांदेड
Nanded News: पावसामुळे दांपत्यासह तिघांचा बळी; नांदेड जिल्ह्यामध्ये दोन दिवसांत ३१ मंडळांत अतिवृष्टी
Nanded Flood: नांदेड जिल्ह्यात अतिवृष्टीमुळे ३१ मंडळांत पुरस्थिती निर्माण झाली आहे. कोटबाजार येथे भिंत कोसळून दांपत्य ठार, तर सिंदगी येथे स्कूल व्हॅन पुरात वाहून चालकाचा मृत्यू झाला.
नांदेड : गेल्या दोन दिवसांत जिल्ह्यात ३१ मंडळात अतिवृष्टीची नोंद झाली. दरम्यान, शनिवारी (ता.१६) पहाटे कोटबाजार (ता.कंधार) येथे घराची भिंत कोसळून दांपत्य ठार झाले. तर, किनवट तालुक्यातील सिंदगी (चिखली) येथील स्कूल व्हॅनसह नाल्याच्या पुरामध्ये चालक वाहून गेला. यात काही भागात पशुधनही दगावले. पैनगंगेलाही पूर आला. किनवट-उमरखेडसह अनेक रस्त्यांवरील संपर्क तुटला.