Nanded Crime News : चिमुकलीची हत्या करणाऱ्याला अटक ; नराधमाने अत्याचारही केला, रोही पिंपळगाव येथील प्रकरण

नांदेड : जिल्ह्यातील रोही पिंपळगाव (ता. मुदखेड) येथील एका सहावर्षीय चिमुकलीवर अत्याचार करून तिची हत्या केल्याच्या प्रकरणात पोलिसांनी दशरथ ऊर्फ धोंडिबा फुलाजी पांचाळ (वय २३, रा. रोही पिंपळगाव) याला अटक केली, अशी माहिती जिल्हा पोलिस अधीक्षक श्रीकृष्ण कोकाटे यांनी शनिवारी (ता. २०) पत्रकार परिषदेत दिली.

रोही पिंपळगाव येथे १४ जानेवारीला एका सहावर्षीय मुलीचे अपहरण करून हत्या करण्यात आल्याची घटना घडली. पोलिसांनी सहा तपास पथके तयार करून दशरथला ताब्यात घेतले त्याने गुन्हा केला.

संशयिताला जिल्हा न्यायाधीश सी. व्ही. मराठे यांच्या न्यायालयासमोर हजर केले असता त्यांनी ३१ जानेवारीपर्यंत पोलिस कोठडी सुनावली आहे. गुन्ह्याचा तपास उपविभागीय पोलिस अधिकारी सुशीलकुमार नायक करीत आहेत. या प्रकरणात आखणी एक आरोपी असल्याचा संशयही पोलिसांनी आहे.