नांदेड : जिल्ह्यात (Nanded) गुरूवारी (ता.२२) प्राप्त झालेल्या एक हजार ३१० अहवालांपैकी सहा अहवाल कोरोनाबाधित (Corona) आले आहेत. दिवसभरात नऊ बाधितांना औषधोपचारानंतर सुटी देण्यात आली आहे. आजच्या घडीला ५७ रुग्ण उपचार घेत असून यात चार बाधितांची प्रकृती अतिगंभीर आहे. जिल्ह्यात आजवर एकुण बाधितांची संख्या ९० हजार १४७ एवढी झाली आहे. यातील ८७ हजार ४३१ रुग्णांना रुग्णालयातून सुटी देण्यात आली आहे. आतापर्यंत बाधित मृत रुग्णांची संख्या दोन हजार ६५९ एवढी आहे. आजच्या बाधितांमध्ये नांदेड महापालिका (Nanded Municipal Corporation) - दोन, उमरी - दोन व मुखेड दोन असे एकूण सहा बाधित आढळले आहेत. जिल्ह्यातील नऊ कोरोना बाधितांना गुरूवारी औषधोपचारानंतर सुटी देण्यात आली आहे. यात शासकीय वैद्यकीय महाविद्यालय विष्णुपुरी - एक, कंधार तालुक्यांतर्गत-एक, मुखेड कोविड रुग्णालय - दोन, महापालिका अंतर्गत एनआरआय भवन व गृहविलगीकरणातील - दोन व्यक्तीला रुग्णालयातून सुटी देण्यात आली.(nanded covid six cases reported glp 88)
नांदेड कोरोना मीटर
एकुण बाधित - ९० हजार १४७
एकूण बरे - ८७ हजार ४३१
एकुण मृत्यू - दोन हजार ६५९
गुरुवारी बाधित - सहा
गुरुवारी बरे - नऊ
गुरुवारी मृत्यू- शुन्य
उपचार सुरु- ५७
अतिगंभीर प्रकृती - चार
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.