Nanded Crime : आईला मारहाण करतात म्हणून मुलाने वडिलांचा केला खून; ताडपत्रीत गुंडाळून मृतदेह फेकला सहस्रकुंड बंधाऱ्यात

ईस्लापूर (जि. नांदेड) : पैनगंगा नदीवरील सहस्रकुंड बंधाऱ्यात ताडपत्रीत गुंडाळलेला मृतदेह आढळला (Nanded Crime News) होता. मुलानेच आईच्या मदतीने वडिलांचा खून करून मृतदेह बंधाऱ्यात फेकल्याचा उलगडा पोलिस तपासात झाला. मारुती गंगाराम डुकरे (वय ६०, रा. जलधरा, ता. किनवट) असे मृताचे नाव आहे. पत्नी पार्वताबाई मारुती डुकरे, मुलगा प्रदीप मारुती डुकरे (२५) या संशयितांना पोलिसांनी अटक केली आहे.