Nanded: दर्शनासाठी गेले अन् घात झाला; एकाच कुटुंबातील 5 जणांचा बुडून मृत्यू | Sakal
sakal

बोलून बातमी शोधा

Death

दर्शनासाठी गेले अन् घात झाला; एकाच कुटुंबातील 5 जणांचा बुडून मृत्यू

नांदेड : नांदेड येथील जगतुंग तलावात बुडून एकाच कुटुंबातील पाच जणांचा मृत्यू झाल्याची दुर्दैवी घटना घडली आहे. त्यामुळे परिसरात हळहळ व्यक्त केली जात असून मृत्यू झालेले कुटुंब हे नांदेड शहरातील असल्याचं समोर आलं आहे. हे कुटुंब जिल्ह्यातील कंधार येथे असलेल्या दर्ग्यात दर्शनासाठी गेले असताना ही घटना घडली आहे.

(5 Family members Death by drowned)

नांदेड शहरातील एका कुटुंबातील सर्वजण कंधार येथील एका दर्ग्याचं दर्शन घेण्यासाठी गेले होते. काहीजण दर्ग्यात दर्शनासाठी गेले असताना या कुटुंबातील पाचजण तेथे असलेल्या तलावात पोहण्यासाठी गेले होते. त्यानंतर पाण्याचा अंदाज न आल्यामुळे त्या पाचही जणांचा बुडून मृत्यू झाला आहे. यामध्ये कुटुंबातील दोन सख्ख्या भावाचा सामावेश आहे. या घटनेनंतर माजी मुख्यमंत्री अशोक चव्हाण यांनी या घटनेची चौकशी करून पीडित कुटुंबाला मदत करण्याची मागणी केली आहे.

महोमद साद, सय्यद सोहेल, सय्यद नाविद आणि महोमद आफ्रिदीन अशी मृतकांची नावे आहेत. तर मृत्यू झालेले सर्वजण १३ ते २३ वयोगटातील आहेत. यानंतर राज्याचे माजी मुख्यमंत्री अशोक चव्हाण यांनी या प्रकरणाची चौकशी करण्याची मागणी केली आहे. त्यांनी फेसबुक पोस्ट करत म्हटलंय की, "नांदेड येथील पाच किशोरवयीन मुलांचा कंधारच्या जगतुंग तलावात बुडून मृत्यू झाल्याची घटना अत्यंत वेदनादायी आहे. त्यांच्या कुटुंबियांच्या दुःखात मी सहभागी असून, प्रशासनाने या प्रकरणाची चौकशी करून पीडित कुटुंबांना मदत करावी, अशी माझी मागणी आहे." असं अशोक चव्हाण यांनी म्हटलं आहे.

Web Title: Nanded Family 5 Death By Drowning Former Cm Ashok Chavan

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..