Nanded News : महापालिका करणार २६ हजार झाडांचे रोपण; नांदेड शहराची ग्रीन सिटीकडे वाटचाल, विविध सामाजिक संघटनांचा सहभाग

नांदेड : महापालिकेच्या पुढाकाराने शहराला ‘ग्रीन सिटी’ बनविण्याचा उपक्रम राबविण्यात येणार आहे. पर्यावरण दिनाचे औचित्य साधून महापालिकेने शहरातील सहा झोनमध्ये एकूण २६ हजार झाडांचे रोपण करण्याचे उद्दिष्ट ठेवले आहे. .या उपक्रमात विविध सामाजिक संस्था, शाळा, महाविद्यालये, एनजीओ; तसेच सामान्य नागरिक सहभागी होणार आहेत. ग्लोबल वॉर्मिंग तसेच पर्यावरणाचे संतुलन राखण्यासाठी नांदेडला ग्रीन सिटी करण्यासाठी नांदेडकर पुढाकार घेण्यासाठी सरसावले आहेत..महापालिकेने ठिकठिकाणी मोकळी जागा, रस्त्याच्या कडेला, शासकीय जागांमध्ये आणि उद्यानांमध्ये झाडांचे रोपण करण्याचे नियोजन केले आहे. यासाठी स्थानिक झाडांच्या प्रजातींची निवड करण्यात येणार असून, रोपांची देखभाल, पाणीपुरवठा आणि संरक्षण याची जबाबदारीही विभागून दिली जाणार आहे. .प्रत्येक झोनमध्ये जबाबदारीसाठी स्वतंत्र समिती नेमली जाणार आहे. मोठ्या प्रमाणात रोपांची लागवड झाल्यामुळे शहरातील प्रदूषण कमी होण्यास मदत होईल. तसेच हरित क्षेत्र वाढविणे आणि भावी पिढ्यांसाठी स्वच्छ पर्यावरण निर्माण करणे सोयीचे होणार आहे. नागरिकांनी या उपक्रमात उत्स्फूर्तपणे सहभागी व्हावे, असे आवाहन महापालिकेने केले आहे..या वृक्षारोपण मोहिमेमुळे नांदेड शहरात हरित क्षेत्रात मोठी वाढ होईल आणि पर्यावरण संतुलन राखण्यास मदत होईल. ‘ग्रीन सिटी’ या दिशेने नांदेडचा प्रवास निश्चितच प्रेरणादायी ठरेल. शिवाय वन विभाग व सामाजिक वनीकरण विभागाच्या वतीने जिल्ह्यातील नर्सरीमध्ये जवळपास २४ लाख रोपे उपलब्ध करून देणार आहेत. ही रोपे शेतकरी, सामाजिक संस्था, शाळा, महाविद्यालये, नागरिकांना माफक दरात दिली जाणार आहेत..वन विभाग लावणार एक लाख रोपेवन विभागाच्या वतीने या पावसाळ्यात जवळपास एक लाखापेक्षा अधिक वृक्षलागवड करणार आहे. नांदेड वनपरिक्षेत्रांतर्गत ३८ नर्सरींमध्ये २४ लाख रोपे तयार करण्यात येणार आहेत. त्यामध्ये चिंच, आंबा, चिकू, लिंबू, साग, बेहडा, आवळा या रोपांचा समावेश आहे..स्वच्छ भारत, हरित प्रतिज्ञेची शपथवाघाळा शहर महानगरपालिकेच्या वतीने स्वच्छ महाराष्ट्र अभियानांतर्गत जागतिक पर्यावरण दिन दरवर्षी पाच जून रोजी साजरा केला जातो. या दिवसाचे उद्दिष्ट म्हणजे पर्यावरणाचे महत्त्व पटवून देणे आणि लोकांमध्ये पर्यावरणाच्या संरक्षणाविषयी जनजागृती केली जाते. या अनुषंगाने एक ते पाच जून या कालावधीत ‘जागतिक स्तरावर प्लॅस्टिक प्रदूषणाचा अंत’ या अनुषंगाने जागतिक पर्यावरण दिनानिमित्त मोहीम राबविण्यात येणार आहे. मनपाच्या सहाही क्षेत्रीय कार्यालयांतील कर्मचाऱ्यांनी प्लॅस्टिक संकलन मोहीम व स्वच्छ भारत हरित भारत हरित प्रतिज्ञेची शपथ घेतली. राबविलेल्या मोहिमेत १०० किलो प्लॅस्टिक संकलन करण्यात आले..वीसपेक्षा अधिक सामाजिक संघटना सहभागीयावर्षी शहरातील सहाही झोनमध्ये २६ हजार झाडे लावण्यात येणार असून, या मोहिमेत शाळा, महाविद्यालये, शासकीय कार्यालये तसेच मोकळ्या जागेत वृक्षारोपण केले जाईल. या कार्यामध्ये तख्त सचखंड गुरुद्वारा, वृक्षमित्र फाउंडेशन, रोटरी क्लब, लायन्स क्लब यांसह २० पेक्षा अधिक सामाजिक संघटना सहभागी होणार आहेत, अशी माहिती मनपाचे उद्यान अधीक्षक डॉ. मिर्झा फरहतऊल्ला बेग यांनी दिली..India Census 2026 : जातीनिहाय जनगणनेला अखेर २०२६ चा मुहूर्त; दोन टप्प्यांमध्ये प्रक्रिया पार पडणार.सध्याचे वाढते ग्लोबल वॉर्मिंग कमी करण्यासाठी तसेच पर्यावरणाचे संतुलन राखण्यासाठी शेतकरी, नागरिकांनी शेतीच्या बांधावर, रस्त्याच्या कडेला, गावांतील मोकळ्या असलेल्या जागेत स्थानिक प्रजातींची वड, आंबा, पिंपळ, कडूलिंब, उंबर, मोह ही झाडे लावावीत. यामुळे निश्चितच प्रदूषण कमी होण्यास मदत होईल.— केशव वाबळे, उपवन संरक्षक, नांदेड परिक्षेत्र.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.