परभणी : जिल्ह्यातील वेगवेगळ्या आरोग्य केंद्रातील चार वैद्यकीय अधिकाऱ्यांवर जिल्हा परिषदेचे मुख्य कार्यकारी अधिकारी (सीईओ) शिवानंद टाकसाळे यांनी बुधवारी (ता.दहा) निलंबनाच्या कारवाईचा बडगा उगारला. ग्रामीण भागातील ग्रामस्थांना अपुरी वैद्यकीय सेवा, मिशन कवच कुंडल अभियानाअंतर्गत कोरोना लसीकरणातील असमाधानकारक कामगिरीचा ठपका त्यांच्यावर ठेवण्यात आला. याबाबत संबंधितांना करणे दाखवा नोटीस बजावूनही त्यांच्या वर्तनात सुधारणा होत नसल्याने निलंबनाची कारवाई करण्यात आली.
निलंबनाची कारवाई झालेले वैद्यकीय अधिकारी व त्यांच्यावर ठेवलेला ठपका असा ः डॉ. प्रकाश वाठोरे (प्राथमिक आरोग्य केंद्र वालूर, ता. सेलू), डॉ. अविनाश राजूरकर (प्राथमिक आरोग्य केंद्र, वाघाळा, ता. पाथरी), डॉ. विष्णू माने (प्राथमिक आरोग्य केंद्र, राणी सावरगाव), डॉ. कृष्णदास पळशीकर (प्राथमिक आरोग्य केंद्र, बाभळगाव, ता. पाथरी)
निलंबनाची कारवाई केलेल्या वैद्यकीय अधिकाऱ्यांना सेवेतून कायमस्वरूपी काढून टाकण्याबाबतचा प्रस्ताव लवकरच आरोग्य विभाच्या आयुक्तांकडे पाठवणार आहे. होत. कामात हलगर्जीपणा करणाऱ्या अधिकारी, कर्मचाऱ्यांवर अशीच कडक कारवाई करण्यात येईल.
- शिवानंद टाकसाळे, मुख्य कार्यकारी अधिकारी, जिल्हा परिषद, परभणी.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.