नांदेड - मागील अनेक वर्षांपासून भाड्याच्या जागेत आर्थिकदृष्ट्या मागासवर्गीय मुलांसाठीचे वसतीगृह सुरु होते. या वसतीगृहाची सरकारी वास्तू निर्माण व्हावी, अशी बऱ्याच दिवसांपासून मागणी होती. यासाठीचा पाठपुरावा राज्याचे सार्वजनिक बांधकाम मंत्री तथा जिल्ह्याचे पालकमंत्री अशोक चव्हाण यांनी केला असून त्यांच्या प्रयत्नातून आता नांदेड शहराच्या मध्यभागी सुमारे साडेआठ कोटींचे वसतीगृह उभारण्यात येणार आहे. या वसतीगृहासाठीची प्रशासकीय मान्यता शासनाने नुकतीच दिली आहे.
नांदेड येथे आर्थिकदृष्ट्या मागासवर्गीय मुलांचे वसतीगृह अनेक वर्षांपासून कार्यरत आहे. परंतु या वसतीगृहाला स्वतःची इमारत नव्हती. त्यामुळे भाड्याच्या जागेत हे वसतीगृह सुरु होते. स्वतःची इमारत नसल्यामुळे भाडे करार संपल्यानंतर वसतीगृहाची इमारत बदलण्याची वेळ येत होती. या संदर्भात नांदेड येथे वसतीगृह उभारण्यात यावे, अशी मागणी पुढे आली होती.
प्रशासकीय मान्यता प्रदान
या सर्व बाबींचा विचार करुन आर्थिकदृष्ट्या मागासवर्गीय मुलांच्या वसतीगृहासाठी पुरेशा प्रमाणात निवासची सोय असलेले व पायाभूत सुविधा उपलब्ध करुन देणारे वसतीगृह उभारण्यासाठी पालकमंत्री अशोक चव्हाण यांनी शासनाकडे पाठपुरावा केला. त्यांच्या या पाठपुराव्यास यश आले असून शासनाने नव्यानेच निर्गमित केलेल्या आदेशानुसार नांदेड येथील वसतीगृहाच्या बांधकामासाठी प्रशासकीय मान्यता प्रदान करण्यात आली आहे.
हेही वाचलेच पाहिजे - धर्माबाद नगरपालिकेतील आणखी दोनजण अटक; बनावट कागदपत्रांनी दस्तनोंदणीचे प्रकरण
आठ कोटी ५३ लाख रुपये खर्च होणार
या वसतीगृहावर आठ कोटी ५३ लाख रुपये खर्च करण्यात येणार आहेत. २०१९ - २०२० च्या सुधारित दरसूचीनुसार बांधकामाच्या अंदाजपत्रकास सार्वजनिक बांधकाम विभागाच्या औरंगाबाद येथील मुख्य अभियंत्यांनी तांत्रिक मान्यता दिली आहे. या तांत्रिक मान्यतेनंतर शासनाने प्रशासकीय मान्यता दिली आहे. या इमारतीमध्ये विद्युतीकरण, स्वच्छतागृह यासह दिव्यांगांसाठी आवश्यक असलेली तरतूद करण्यात आली आहे. वसतीगृहाला मिळालेल्या प्रशासकीय मान्यतेमुळे आता भाड्याच्या जागेत सुरु असलेले हे शासकीय वसतीगृह लवकरच स्वतःच्या इमारतीमध्ये स्थलांतरीत करण्यात येणार आहे. पालकमंत्री चव्हाण यांचे याबद्दल विद्यार्थ्यांनी आभार मानले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.