नांदेड जिल्ह्यात मंगळवारी तीन बाधितांचा मृत्यू, ४९ अहवाल पॉझिटिव्ह

नांदेड : जिल्ह्यातील कोरोनाबाधित रुग्णांची संख्या कमीजास्त होताना दिसत आहे. मंगळवारी (ता. आठ) कोरोना अहवालानुसार ४९ जण पॉझिटिव्ह तर ३७ कोरोनाबाधित रुग्ण बरे झाल्याने त्यांना रुग्णालयातून सुट्टी देण्यात आली. आज तीन बाधित रुग्णांचा मृत्यू झाल्याने एकूण मृत्यू संख्या ५५४ इतकी झाल्याचे जिल्हा शल्यचिकित्सक डॉ. निळकंठ भोसीकर यांनी माहिती दिली.

मंगळवारी (ता. आठ) प्राप्त झालेल्या ९३० अहवालांपैकी ८७९ निगेटिव्ह, ४९ अहवाल पॉझिटिव्ह आल्याने जिल्ह्यात एकूण बाधितांची संख्या २० हजार ६७५ एवढी झाली आहे. यातील १९ हजार ५७६ बाधितांना औषधोपचारानंतर सुट्टी देण्यात आली. रुग्णालयात औषधोपचार सुरु असलेल्या बाधितांपैकी १९ रुग्णांची प्रकृती अतीगंभीर स्वरुपाची आहे.

हेही वाचा - नांदेड जिल्ह्यात क्षय व कुष्ठरोग तपासणी मोहिमेला सुरुवात, १० कुष्ठ तर २२ क्षय रुग्णांवर उपचार सुरु

मंगळवारी विष्णुपुरीच्या शासकीय रुग्णालयात उपचार सुरु असलेल्या सोमठाना (ता.उमरी) येथील २९ वर्षीय महिलेचा, जिल्हा रुग्णालयात स्नेहनगरनगर नांदेड येथील ७० वर्षिय महिलेचा तर खासगी रुग्णालयात कुंटुर (ता.नायगाव) येथील ८० वर्षिय पुरुषाचा मृत्यू झाला आहे. त्यामुळे आतापर्यंत ५५४ इतकी कोरोना बाधीत मृत्यू झालेल्या रुग्णांची संख्या झाली आहे.  

बरे झालेल्या बाधितांमध्ये जिल्हा रुग्णालय - पाच, मनपा अंतर्गत एनआरआय भवन व गृह विलगीकरण - १४, किनवट कोविड रुग्णालय - तीन, खासगी रुग्णालय - आठ, लोहा -दोन, मुखेड - दोन आणि धर्माबाद - तीन असे एकूण ३७ बाधित व्यक्तींना औषधोपचारानंतर सुट्टी देण्यात आली.   

हेही वाचलेच पाहिजे - नांदेडमध्ये ‘भारत बंद’ला संमिश्र प्रतिसाद, विरोधी पक्षांसह शेतकरी संघटना, व्यापाऱ्यांचा बंदमध्ये सहभाग

मंगळवारी बाधितांमध्ये नांदेड मनपा क्षेत्रात ३२, कंधार - एक, नायगाव - दोन, मुदखेड - एक, माहूर - एक, देगलूर - तीन, लोहा - एक, मुखेड - सहा, हदगाव - एक आणि परभणी- एक असे एकूण ४९ बाधित आढळले. जिल्ह्यात ३५० बाधितांवर औषधोपचार सुरु आहेत. यात शासकीय वैद्यकीय महाविद्यालय विष्णुपुरी नांदेड येथे १६, जिल्हा रुग्णालय २९, जिल्हा रुग्णालय नवी इमारत ३२, मुखेड २४, किनवट दोन, भोकर - दोन, हदगाव दोन, देगलूर दोन, नांदेड जिल्ह्यातील तालुक्यांतर्गत गृह विलगीकरण ६४, नांदेड मनपा अंतर्गत गृह विलगीकरण १५१, खासगी रुग्णालयात २६ असे एकूण ३५० बाधीत रुग्ण उपचार घेत आहेत.  
 
कोरोना मीटर ः 

• मंगळवारी पॉझिटिव्ह रुग्ण - ४९
• मंगळवारी कोरोनामुक्त - ३७
• मंगळवारी मृत्यू- ०३
• एकूण पॉझिटिव्ह बाधित व्यक्ती- २० हजार ६७५ 
• एकूण रुग्णालयातून सुट्टी दिलेली संख्या- १९ हजार ५७६
• एकूण मृत्यू संख्या- ५५४
• आज प्रलंबित स्वॅब तपासणी संख्या- ४०४
• अतिगंभीर रुग्ण - १९