Navratri 2023 : नवरात्रौत्सवात परफेक्ट लूक हवाय? मग 'या' मेकअप टिप्सची घ्या मदत

Navratri 2023 : आजपासून शारदीय नवरात्रौत्सवाला सुरूवात झाली आहे. आज घरोघरी घटस्थापना करण्यात आली आहे. देवीच्या मूर्तीची स्थापना करण्यात आली आहे. त्यामुळे, सर्वत्र उत्साहाचे आणि भक्तीभावाचे वातावरण पहायला मिळत आहे. देशभरात नवरात्रीच्या या ९ दिवसांमध्ये देवीच्या ९ रूपांची भक्तीभावाने पूजा केली जाते.

सर्वत्र उत्साहाचे आणि मांगल्याचे वातावरण असते. या ९ दिवसांमध्ये देवीच्या पूजेसाठी आणि दांडियासाठी विविध लूक्स करण्यावर महिलांचा भर असतो. या लूकसोबत मग हेअरस्टाईल्स आल्या, विविध प्रकारचे आऊटफिट्स आले. या सगळ्यासोबतच परफेक्ट मेकअप लूक करण्यावर ही तरूणींचा भर असतो.

खास शारदीय नवरात्रौत्सवासाठी महिलांनी झटपट मेकअप कसा करावा? यासाठी काही टिप्स आज आम्ही तुम्हाला सांगणार आहोत. चला तर मग जाणून घेऊयात या मेकअप टिप्स.

बेस लावून चेहरा तयार करा

नवरात्रौत्सवासाठी मेकअप करताना सर्वात आधी चेहरा चांगल्या प्रकारे स्वच्छ करून घ्या. त्यानंतर, चेहऱ्यावर प्रायमर लावून चेहरा मॉईश्चराईझ करून घ्या. त्यानंतर, तुमच्या स्किनटोननुसार चेहऱ्यावर बेस लावून घ्या. हा बेस लावताना तो जास्त डार्क असता कामा नये, याची काळजी घ्या. हा बेस शक्यतो लाईट शेडमध्ये ठेवण्याचा प्रयत्न करा.

डोळ्यांचा मेकअप महत्वाचा

मेकअपमध्ये डोळ्यांचा मेकअप हा सर्वात महत्वाचा भाग आहे. डोळ्यांचा मेकअप जर सुंदर असेल तर तुमचा लूक आपोआप सुंदर दिसणार आहे. डोळ्यांना आधी काजळ लावून घ्या. त्यानंतर तुमच्या आऊटफीटला मॅच होणारे आयलायनर डोळ्यांना लावा. दांडिया नाईटसाठी जाणार असालं तर डोळ्यांच्या मेकअपला ग्लिटरी टच देण्यास विसरू नका.

ब्लश आणि हायलायटर

त्वचेवर ग्लो दिसण्यासाठी ब्लश आणि हायलायटरचा वापर करणे महत्वाचा आहे. सर्वात आधी गालांवर ब्लश लावा. ब्लश लावल्यानंतर गालांवर हायलायटर लावा. आता बघा चेहरा कसा चमकदार दिसतो ते.

लिपस्टिक शिवाय मेकअप अपूर्ण

लिपस्टिक हा मेकअपचा अतिशय महत्वाचा भाग आहे. लिपस्टिकशिवाय मेकअप अपूर्ण आहे, असे म्हटले तर ते चुकीचे ठरणार नाही. तुमचा संपूर्ण मेकअप झाल्यानंतर आता तुमच्या आवडीनुसार किंवा आऊटफीटनुसार तुमची आवडती लिपस्टिक लावा.

लिपस्टिक लावण्यापूर्वी लिप बाम लावायला विसरू नका आणि लिपस्टिक लावल्यानंतर ओठांवर लिपग्लॉसचा वापर अवश्य करा.