Shardiya Navratri 2022: सणाच्या आधी देवघर कसे स्वच्छ करावे

नवरात्र सुरू होण्यापूर्वी देवघर स्वच्छ करणे आवश्यक आहे .देवघर हे आपल्या घराचे एक पवित्र आणि महत्त्वाचे ठिकाण आहे. दररोज सकाळी दिवा लावण्यापूर्वी खोली स्वच्छ केली जाते. मूर्तींची स्वच्छता आणि सजावट केली जाते, त्यानंतर पूजा केली जाते.आता २६ तारखेपासून शारदीय नवरात्रीला सुरुवात होणार असल्याने मंदिराची स्वच्छता करणे अत्यंत गरजेचे आहे. देवीची प्रतिष्ठापना करण्यापूर्वी, प्रत्येक कोपरा पूर्णपणे स्वच्छ करा आणि नंतर देवाऱ्यात तिला स्थापित करा.

अशा पद्धतीने ठेवा देवघर स्वच्छ:-

१. देवघर कसे करावे स्वच्छ?

जर तुमचे देवघर संगमरवरी, ग्रेनाइट किंवा लाकडाचा असेल तर लक्षात ठेवा की ते दररोज स्वच्छ केले पाहिजे. अगरबत्ती, धूप, दिवा जाळल्याने हळूहळू काळे होते. तेलामुळे तिथली जागा चिकट होऊ लागते आणि त्यामुळे खोली अधिक घाण दिसते. डिटर्जंट स्प्रे आणि कोमट पाण्याने दररोज काउंटर स्वच्छ करा आणि नंतर कोरड्या कापडाने पुसून टाका जेणेकरून पृष्ठभागावर कोणतेही डाग राहणार नाहीत.

२. जमीन कशी स्वच्छ करावी

दररोज फुले, अगरबत्ती, दिवे जाळल्याने पूजा किंवा मंदिराच्या खोलीची फरशी देखील अस्वच्छ असते. तुम्ही दररोज मंदिर तसेच फारशी स्वच्छ करा. जर तुम्ही ते रोज पुसून स्वच्छ करत असाल तर आठवड्यातून दोनदा बेकिंग सोडा आणि कोमट पाण्याने स्वच्छ करा. यामुळे फरशी सदैव चमकेल आणि देवीच्या आगमनासाठी सज्ज होईल.

३. देवघराची जागा मोकळी ठेवा

तुम्हीही देवघर फुलांनी,आरतीच्या वह्या, उदबत्त्या आणि अगरबत्तींनी भरले आहे का? तुमच्या देवाऱ्यातल्या सर्व मूर्ती आणि फ्रेम्स जागा व्यापत आहेत का? सर्वात आधी आपल्या देवाऱ्याची जागा साफ करा.मंदिराच्या कुठल्यातरी कोपऱ्यात एक पेटी बनवा आणि त्यात हळदी कुंकू, आरतीची पुस्तके आणि इतर सर्व पूजेचे साहित्य ठेवा. मंदिरातून मूर्ती आणि चौकटी बाहेर काढा. तुम्ही यापैकी काही गोष्टी मंदिराला दान देखील करू शकता.

४. मूर्ती आणि भांडी कशी स्वच्छ करावी

आपल्या देवघरमध्ये पितळाच्या मूर्ती, तांब्याची भांडी आणि चांदीची ताटं आहेत. जर तुमच्याकडे पितळेची मूर्ती असेल तर एका बादलीत बेकिंग सोडा आणि गरम पाणी एकत्र करून त्यात काही वेळ बुडवून ठेवा आणि नंतर लिंबू चोळून स्वच्छ करा. त्याचप्रमाणे तांब्याची भांडी मीठ आणि व्हिनेगरच्या पाण्याने स्वच्छ करा आणि चांदीच्या प्लेट्स राखेने पॉलिश करा.

५. मूर्तींचे कपडे कसे स्वच्छ करावेत

आपण आपल्या घरातल्या देवतांना सुंदर आणि रंगीबेरंगी वस्त्रे सजवली असतील. कालांतराने हे कपडे देखील काळे होतात आणि घाण होतात. खरंतर रोजही ही वस्त्र धुणे चांगले आहे पण ते जमत नसेल तर निदान महिन्यातून एकदा सर्व कपडे धुवा. हे कपडे 40-50 मिनिटे डिटर्जंटमध्ये बुडवून ठेवा आणि नंतर हलके चोळून धुवा. या कपड्यांवर जड कुंदन किंवा नक्षी असेल तर ते धुताना विशेष काळजी घ्या.

6. अशा प्रकारे देवघर सजवा

देवीची घरी प्राणप्रतिष्ठापणा करण्याआधी तुमच्या देवघरचा प्रत्येक कोपरा व्यवस्थित स्वच्छ करा आणि मग तुम्ही देवघराचे दार आणि पूर्ण देवघर झेंडूच्या फुलांनी सजवू शकता. शक्य असल्यास देवाच्या मूर्तींवर नवीन वस्त्रे घालावीत आणि दिवे आणि आरतीचे ताट स्वच्छ ठेवावे. नवरात्रीच्या दिवशी सकाळी पुन्हा एकदा देवारा स्वच्छ करा आणि खोलीच्या उंबरठ्यावर रांगोळी काढून देवीचे स्वागत करू शकता.