नागाव - कंटेनरच्या धडकेने दुचाकीने अचानक पेट घेतला आणि महिलेसह दोघे जखमी झाले. आकाश पाटील ( रा. केखले, ता. पन्हाळा ) असे जखमी दुचाकीस्वाराचे नाव आहे. महिलेचे नाव समजू शकले नाही. जखमींना उपचारासाठी तत्काळ रुग्णालयात दाखल करण्यात आले.
पुणे - बंगळूर राष्ट्रीय महामार्गावरील शिरोली एमआयडीसी येथील मनुग्राफ इंडिया या कंपनीसमोर दुपारी दोन वाजता ही घटना घडली.
याबाबत घटनास्थळी व पोलिसांतून मिळालेली माहिती अशी, आकाश पाटील हे कामानिमित्त दुचाकीवरून कोल्हापूरला निघाले होते. शिरोली औद्योगिक वसाहतीतील मनुग्रफ कंपनी जवळ पुण्याहून कोल्हापूरकडे भरधाव वेगाने जाणाऱ्या कंटेनरने मोटरसायकलला मागून जोराची धडक दिली. या धडकेत मोटारसायकल आडवी होवून रस्त्याला घर्षण होवून पेट घेतला. या अपघातात दुचाकीवरील महिला आणि पुरुष असे दोघे जण जखमी झाले.
जखमींना तत्काळ कोल्हापूरातील सरकारी दवाखान्यात उपचारासाठी दाखल केले आहे. कंटेनर चालकाने घटनास्थळावरून पळ काढला. पोलिस कॉन्स्टेबल पटेकर हे तपास करत आहेत.
हे पण वाचा - आई-वडील शेतात गेल्याची संधी साधून बालिकेवर अत्याचार
संपादन - धनाजी सुर्वे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
