'मंत्र्यांप्रमाणे जनतेचीही वीज  बिले माफ करा नाहीतर जनता तुम्हाला शॉक दिल्याशिवाय राहणार नाही'

हुपरी  -: वाढीव वीज बिले माफ करण्याचे जनतेला दिलेले आश्वासन वाऱ्यावरच असताना दुसरीकडे डझनभर मंत्र्यांना वीज बिलेच द्यायची नाहीत.  हा कसला राज्य कारभार, असा सवाल करत मंत्र्यांप्रमाणे जनतेचीही वीज  बिले माफ करा नाहीतर जनता तुम्हाला शॉक दिल्याशिवाय राहणार नाही,  असा इशारा छत्रपती शाहू साखर कारखान्याचे अध्यक्ष व भाजपचे  जिल्हाध्यक्ष समरजितसिंह घाटगे यांनी रांगोळी येथे दिला.

रांगोळी येथे राजर्षी छत्रपती शाहू महाराज यांच्या जनक घराण्याची जनपंचायत शिवार संवाद आयोजित करण्यात आली होती. त्या प्रसंगी ते बोलत होते. अध्यक्षस्थानी उद्योगपती महावीर गाट होते. माजी आमदार सुरेश हाळवणकर, नगराध्यक्षा सौ. जयश्री गाट, इचलकरंजीचे उपनगराध्यक्ष तानाजी पवार,  जिल्हा परिषद सदस्य अशोकराव माने, अरुण इंगवले, सरपंच नारायण  भोसले, अनिल काळे, विजय माळी, मोहन वाईंगडे, अमृता भोसले आदी उपस्थित होते.

हे पण वाचा - वारांगनांसाठी राज्य शासनाचा मोठा दिलासा

सुरेश हाळवणकर म्हणाले,‘‘देतो देतो म्हणून राज्य सरकार शेतकऱ्यांना फसवत आहे.’’ 

किसान मोर्चाचे जिल्हाध्यक्ष भगवानराव काटे, डॉ. अश्विनी नवगरे, शिवाजी माने, प्रकाश पाटील, जयवंत सादळे, अनिल शिरोळकर, संभाजी मोरे, जयपाल पाटील आदींची भाषणे झाली. स्वागत अमित गाट यांनी केले. प्रवीण शेट्टी यांनी आभार मानले.

संपादन - धनाजी सुर्वे