बेळगाव - हिरेबागेवाडी येथे कोरोनाबाधित मुलाच्या संपर्कात आल्यानंतर पित्याला देखिल कोरोनाची लागण झाली आहे. त्यामुळे हिरेबागेवाडी गावातील कोरोनाबाधितांची संख्या आता दोनवर पोचली असून जिल्ह्यातील रुग्णांची संख्या आठ झाली आहे. आरोग्य खात्याने याला पुष्टी दिली असून जिल्हा प्रशासनाने देखिल त्याच्या प्रतिबंधासाठी आजपासून (ता. 9) कठोर पाऊले उचलली आहेत.
नवी दिल्लीमध्ये तबलीग जमातीच्या निजामुद्दीन मरकज येथे बेळगावातून देखिल काहींनी सहभाग घेतला होता. तेथून परतलेल्यांपैकी बेळगावात तालुक्यातील तीघांची 3 एप्रिल रोजी तपासणी केली असता चाचणी पॉसिटीव्ह आली होती. यात बेळगुंदी येथील 76 वर्षीय वृद्धासह कॅम्पमधीळ 26 वर्षीय तर, हिरेबागेवाडीतील 20 वर्षीय तरुणाचा समावेश होता. त्यांच्या संपर्कात आलेल्या त्यांच्या कुटुंबीयांना देखिल जिल्हा प्रशासनाने क्वॉरंटाईन केले होते. यातील 20 वर्षीय हिरेबागेवाडीतील तरुणाच्या वडीलांना देखिल कोरोनाची लागण झाल्याने आता स्पष्ट झाले आहे. दोनच दिवसापूर्वी रायबाग तालुक्यातील कुडची येथे देखिल चौघे कोरोनाबाधित आढळून आले आहेत. त्यामुळे आता ही संख्या आठवर पोचली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
