Video - कोल्हापूर : कृष्णा-पंचगंगेच्या पातळीत झपाट्याने वाढ; नृसिंहवाडीचे दत्त मंदिर पाण्याखाली 

नृसिंहवाडी -दोन दिवस पडलेल्या सततच्या पडणार्‍या पावसामुळे आणि धरणातून सुरू असलेल्या विसर्गामुळे औरवाड नृसिंहवाडीचा जुना पूल पाण्याखाली गेला असून दत्त मंदिराचा 90 टक्के भाग पाण्याखाली गेला आहे. त्यामुळे दत्त मंदिरातील उत्सव मूर्ती नारायणस्वामीच्या मंदिरात प्रतिष्ठापीत करण्यात आली आहे. या ठिकाणी सेवेकरी यांच्या मार्फत दिवसभरातील सेवा केली जात आहे. 

दरम्यान, गेल्या दोन दिवसात पडलेल्या मुसळधार पावसामुळे कृष्णा आणि पंचगंगा नदी पातळी झपाट्याने वाढ झाली आहे. राधानगरी चांदोली धरणातून सुरू असलेल्या विसर्गामुळे दोन दिवसात पंचगंगेची पाणी पातळी 35 फुटाहून अधिक वाढली आहे. त्याच बरोबर दोन दिवसांमध्ये कृष्णा नदीची पाणीपातळीही वाढल्यामुळे नूसिहवाडी औरवाड जुन्या पुलावर सध्या सहा फूट पाणी आल्यामुळे हा मार्ग वाहतुकीस बंद आहे. 

हे पण वाचा - ब्रेकिंग : पंचगंगा नदीने ओलांडली धोक्याची पातळी ; कोल्हापूरवर महापूराचे सावट

 नवीन पुलावर पुराची पातळी पाहण्यासाठी नागरिकांची गर्दी होत आहे. दरम्यान काल रात्री साडेअकरा वाजता या मोसमातील पहिला दक्षिणद्वार सोहळा दत्त मंदिरात संपन्न झाला असला तरी तो पूर्णपणे भाविकांशिवाय रात्री पार पडला. 

कृष्णा आणि पंचगंगा नदी पात्रात वाढ झाल्याने नूसिहवाडी कुरुंदवाड परिसरातील अनेक शेतकऱ्यांच्या विद्युत मोटारी पाण्याखाली बुडाल्यामुळे त्यांना आर्थिक नुकसानीला सामोरे जावे लागले आहे. वाढत्या पुराच्या पाण्यामुळे परिसरात गतवर्षीच्या आठवणी पुन्हा नव्याने ताज्या होत आहे.
    

संपादन- धनाजी सुर्वे