वळीवडे येथील 'त्या' कोरोना पॉझिटिव्ह तरुणाचा मृत्यू...

गांधीनगर - वळीवडे (ता. करवीर) येथील कोरोना पॉझिटिव्ह असलेल्या हॉटेल व्यावसायिक तरुणाचा काल रात्री खाजगी रुग्णालयात उपचार सुरू असताना मृत्यू झाला. दरम्यान, ग्रामपंचायतीने तीन दिवस वळीवडे लॉकडाउन करण्याचा निर्णय घेतला आहे.

गेल्या आठवड्यात ताप आल्याने या तरुणावर खासगी रुग्णालयात उपचार झाले. प्रकृती खालावल्याने त्यांना कोल्हापुरातील खासगी रुग्णालयात दाखल केले होते.

वाचा - कोरोना रूग्ण कोणाकोणाला भेटला ? सीसीटीव्ही फुटेजवरून समजणार

या ठिकाणी त्याचा स्वॅब घेण्यात आला. परवा रात्री उशिरा त्याचा अहवाल पॉझिटिव्ह आला होता. काल रात्री उशिरा त्याचा मृत्यू झाला. समाज कार्यात हिरीरीने सहभाग घेणाऱ्या तरुणाचा अकाली मृत्यू झाल्याने गावामध्ये हळहळ व्यक्त होत आहे. या तरुणाने कोरोनाच्या पार्श्‍वभूमीवर एप्रिलमध्ये गावात सॅनिटायझर मशीन बसविले होते. लॉकडाउनमध्ये गरजू, गरिबांना अन्नधान्याच्या स्वरूपात मदत केली होती. 

संपादन - मतीन शेख