थंड चहानं डोकं केलं गरम; मग झाला एकच राडा 

इचलकरंजी (कोल्हापूर) - थंड चहा दिल्याच्या रागातून चाकू हल्ला करून हॉटेलमधील साहित्याची तोडफोड केल्या प्रकरणी पाच जणांवर शिवाजीनगर पोलिसांत गुन्हा नोंद झाला आहे. सलमान नदाफ, नागेश पुजारी, सौरभ ढाले, संकेत नाकर्डे, गौरव कारंडे (सर्व रा. इचलकरंजी) अशी त्यांची नावे आहेत. यातील कारंडे वगळता अन्य संशयितांना अटक केली. 

याबाबतची तक्रार महम्मद वसीम इकबाल कुरेशी (वय 32, नदीवेस) यांनी दिली आहे. त्याचे नदीवेस नाका परिसरात हॉटेल नूर आहे. सर्व संशयित गुरुवारी सांयकाळी त्याच्या हॉटेलमध्ये चहा पिण्यासाठी आले होते.

हे पण वाचा - धनगर आरक्षणासाठीही पाठपुरावा करणार ; खासदार संभाजीराजे छत्रपती

थंड चहा दिल्याच्या कारणातून वाद घातला. यातून पुजारी याने कमरेला असलेला चाकू काढून कुरेशीच्या कमरेजवळ दोन ठिकाणी भोसकला. अन्य संशयितांनी लाथाबुक्‍क्‍यांनी मारहाण करून हॉटेलमधील साहित्याची मोडतोड केली. या प्रकरणी पाच जणांवर गुन्हा नोंद केला असून कारंडे वगळता चौघांना अटक केली आहे. पोलिस पुढिल तपास करत आहेत. 

संपादन - धनाजी सुर्वे