चार महिन्याच्या चिमुकल्याने केली कोरोनावर मात 

कोल्हापूर-  चार महिन्यांचे बाळ कोरोनाबाधित असल्याचे स्पष्ट झाले आणि पायाखालची वाळूच घसरली. उपचारासाठी कुठे जावे कळेना. अखेर व्हाईट आर्मीच्या कोविड सेंटरमध्ये बाळासह घरातील सर्वच जण पॉझिटिव्ह समजून दाखल झाले आणि येथील यशस्वी उपचारांनंतर ही सारी मंडळी आज सुखरूप घरी परतली. 

अरविंद माने यांच्या घरात आई पॉझिटिव्ह आली. घरची परिस्थिती बेताचीच. अनेक दवाखाने फिरले. अखेर त्यांना व्हाईट आर्मीच्या कोविड सेंटरमध्ये दाखल केले. घरातील चौघांचे स्वॅब तपासणीसाठी दिल्यावर चार महिन्यांच्या ओमचा अहवाल पॉझिटिव्ह, तर बाकी सर्वांचे निगेटिव्ह आले. 

हे पण वाचा - इसलिये हम फिर लौट आये ! झारखंडचे तरुण विमानाने कोल्हापुरात  

आईला तर अश्रू अनावर झाले. कारण बाळाला सोडून एक सेकंदभरही राहायचा कधीच त्यांनी विचार केलेला नव्हता. अखेर व्हाईट आर्मीचे अशोक रोकडे यांच्याशी संपर्क साधून सर्वजण येथे दाखल झाले. सर्वजण एकाच रूममध्ये राहिले. बालरोगतज्ज्ञ डॉ. प्रकाश संघवी यांनी ऑनलाईन उपचाराचे सल्ले दिले आणि त्यानुसार १४ दिवसांत ओम ठणठणीत बरा झाला. डॉ. अमोल कोडोलीकर, हीना यादवाड, अरविंद लवटे, विनायक भाट, सिद्धेश पाटील, अशोक कुरुंदकर आदींचे सहकार्य लाभले.
 

संपादन - धनाजी सर्वे