ग्रामपंचात पॅनेल बांधणीसाठी कसरत ; सहकार समूह, गटाची प्रतिष्ठापणाला 

कोल्हापूर : जिल्ह्यात ग्रामपंचायत निवडणुकीसाठी इच्छुकांची मनधरणी आणि समजूत काढताना दमछाक होत आहे. उद्या फॉर्म माघार घेण्याचा अंतिम दिवस आहे. गावागावातील सहकारी सेवा संस्था, दूध संस्था, गावकारभाऱ्यांची घरे किंवा समाज मंदिरांमध्ये इच्छुक उमेदवारांसोबत चर्चा करुन पॅनेल बांधणी केली जात आहे. एकाच गटात दोन-दोन पॅनेल नको, प्रश्‍न गटाचा आहे. भावकीचा आहे, असं म्हणत गावागावातील गावकारभारी इच्छुकांकडून गटाकडून किंवा संस्थेकडून उमेदवारी का द्यावी, याची विचारणा करुन उमेदवारांचे निवड करुन पॅनेल बांधणी करत आहेत. 

जिल्ह्यात 433 ग्रामपंचायतींच्या निवडणूका होत आहे. 15 जानेवारीला मतदान होणार आहे. उद्या (4 जोनवारी) दुपारी 3 पर्यंत अर्ज माघार घ्यायची वेळ आहे. त्यामुळे, रात्री उशीरापर्यंत कोण कोठून माघार घेणार, त्याचे नियोजन व पॅनेल बांधणीचे काम सुरु होते. ज्यांनी-ज्यांनी गावकारभाऱ्यांचे ऐकूण माघार घेतली त्यांचा त्याचवेळी सत्कार केला जात आहे. ज्यांनी माघार घेतली त्यांनीही जो उमेदवार निवडणूक रिंगणात आहे, त्याचा जोमाने प्रचार करा अशा सूचनाही दिल्या जात आहे. ज्यांनी-ज्यांनी माघार घेण्याचे मान्य केले आहे. ते सर्व उद्या सामुदायिकरित्या माघार घेण्यासाठीच जाणार आहेत.

गावकारभारी, सहकार समूह किंवा गटाने जो निर्णय घेतला. तो प्रमाण मानून कामाला लागलावे, अशा सूचनाही देण्यात आल्या आहे. जो समूहाच्या किंवा गटाविरूध्द जाईल त्या उमेदवारासोबत प्रचाराला कोणीही फिरणार नाही, अशा शपथही घेण्यात आली आहे. 

ज्या ठिकाणी सरपंचपद खुल्या प्रवर्गाकडे आहे. अशा ठिकाणी उमेदवारांची मोठी गर्दी आहे. यातून माघार घेण्यासाठी गावकारभाऱ्यांनाही रात्री उशीरापर्यंत समजूत काढवी लागली आहे. जिल्ह्यात सध्या 433 ग्रामपंचायतींतील मधील 4 हजार 27 सदस्यांसाठी 15 हजार हून अधिक उमेदवारी अर्ज आले आहे. ऐवढ्या मोठ्या संख्येने उमेदवारी अर्ज आल्यामुळे नेत्यांना तारेवरची कसरत करावी लागत आहे. काही ठिकाणी कटू निर्णय घ्यावे लागत आहेत. दरम्यान, उद्या माघारीनंतरही जिल्ह्यातील ग्रापंचायतींचे चित्र स्पष्ट होणार आहे. 

हे पण वाचा - आता शिवराज्याभिषेक पोचणार घराघरांत

 
निवडणूक असणाऱ्या ग्रामपंचायती : 433 
प्रभाग संख्या : 1492 
सदस्य संख्या : 4027 
मतदान केंद्र : 1781 
मतदान : 15 जानेवारी 
मतमोजणी : 18 जानेवारी 

संपादन - धनाजी सुर्वे