कोल्हापूर ; राजाराम बंधारा सातव्यांदा पाण्याखाली ; पंचगंगेच्या पातळीतही वाढ 

कोल्हापूर : जिल्ह्यात काल रात्री झालेल्या मुसळधार पावसामुळे कसबा बावडा येथील राजाराम बंधारा सातव्यांदा पाण्याखाली गेला आहे. तर, ओढे-नाले तुंडूंब भरून वाहू लागले आहेत. आज सकाळपासून ढगाळ वातावरण आणि प्रचंड उष्णता जाणवत आहे. त्यामुळे आज पुन्हा जोरदार पावसाची शक्‍यता हवामान विभागाने वर्तवली आहे. 

गेल्या चार ते पाच दिवसात पावसाने उघडीप दिली.  काल मात्र जोरदार विजांच्या कडकडाटासह मुसळधार पावसाने जिल्हावासियांना झोडपून काढले. बघता-बघता ओढे नाले तुंडूंब भरून वाहू लागले. अनेकांच्या उभ्या असलेल्या भाताच्या लोंब्या जमिनदोस्त झाल्या आहेत. त्यामुळे शेतकऱ्यांचे मोठे नुकसान झाले आहे. जुलै मध्ये पावसाने ओढ दिल्याने शेतकरी चिंतेत होता. परंतु, आॅगस्ट मध्ये चांगला पाऊस झाला आणि शेतऱ्यांची चिंता मितटली. पिके जोमात आली. परंतु, काल झालेल्या पावसाने यातील काही पीके जिमिनदोस्त झाली आहेत.  

हे पण वाचा -  तिच्या प्रसूती वेदना सुरू होत्या; तिकडे पती कोरोना पाॅझिटिव्ह; पण डाॅक्टर मात्र... 

दरम्यान, आज सकाळी कसबा बावडा येथील राजाराम बंधारा सातव्यांदा पाण्याखाली गेला आहे. नदीची पाणी पातळीही वाढली आहे. आजही उकाडा जाणवत असल्याने तसेच ढगाळ वातावरण असल्यामुळे जोरदार पावसाची शक्‍यता वर्तवली जात आहे. 

हे पण वाचा - कोल्हापूरकरांनो सावधान! नियम मोडल्यास आजपासून होणार मोठा दंड

संपादन - धनाजी सुर्वे