मुसळधार पावसामुळे कोल्हापूर शहर तुंबले ; अनेक रस्ते वाहतुसीसाठी बंद 

कोल्हापूर - गतवर्षीच्या महापुराच्या आठवणी ताज्या होत असतानाच गेल्या दोन दिवस शहरात कोसळणाऱ्या मुसळधार पावसामुळे पुन्हा एकदा शहर तुंबले आहे. शहरातील अनेक चौक महत्त्वाची ठिकाणांना पाण्याच्या तळ्याचे स्वरूप आले आहे. विशेषता मध्यवर्ती बस स्थानक परिसरातील बाबुभाई परिख पूलाखाली मोठ्या प्रमाणात पाणी साचल्यामुळे वाहतुकीसाठी बंद करण्यात आला आहे.

शहरातील राजारामपुरी, जनता बाजार चौक, शहाजी लॉ कॉलेज चौक, साईक्स एक्सटेन्शन, मुख्य रोड, ताराराणी चौक, व्हीनस कॉर्नर, टेंबलाई नाका, लक्ष्मीपुरीसह शहरातील अनेक महत्त्वाचे चौक रस्ते पाण्याखाली गेले आहेत. रस्त्यावरून नाल्या सारखे पाणी वाहत आहे. विशेषता शहरातील रस्ते आयआरबीने तयार केले आहे, त्या रस्त्याकडेची गटारी पूर्णपणे मुजली असल्याने या रस्त्यावरूनच पाणी वाहत आहे. त्यामुळे शहरातील प्रमुख चौक रस्त्यांना तळ्याचे स्वरूप आले आहे. 

हे पण वाचा - पंचगंगा नदी इशारा पातळीकडे ; नदीकाठ गावांचे स्थलांतर शक्य 

शहरातील पार्वती टॉकीज, कलेक्टर ऑफिस चौक, महावीर कॉलेजकडे जाणारा रस्ता, येथे देखील मोठ्या प्रमाणात पाणी साचले आहे. विशेष म्हणजे कलेक्टर ऑफिसचे प्रवेशद्वार पाण्याखाली आहे. प्रवेशद्वारासमोर दरवर्षी मोठ्या प्रमाणात पाणी साचून राहते. त्यामुळे नागरिकांना ये-जा करण्यास अडचणी येतात. कलेक्टर ऑफिसच्या दारातच ही स्थिती असेल तर इतर ठिकाणचे चित्र काय असेल? अशी चर्चा शहरवासीय सुरू होत आहे.

संपादन - धनाजी सुर्वे