टोपमध्ये कोरोनाबाधित महिलेचा मुत्यू ; नागरिकांच्यात भितीचे सावट..

टोप (कोल्हापूर) : येथील ४५ वर्षीय कोरोनाबाधित महिलेचा काल रात्री उशिरा मृत्यु झाला. यामुळे खळबळ उडाली असून, नागरिकांच्यात भितीचे सावट आहे.

हेही वाचा-रविवार साधून गटारी साजरी -

कोरोनाबाधीत डॉक्टरच्या संपर्कातील महिला आजारी पडली होती. काही दिवसापूर्वी या महिलेने प्रकृती बिघडल्याने गावातीलच एका डॉक्टरकडून तपासणी करून घेतली होती. त्यानंतर त्यांना अधिकच अत्यावस्थ वाटू लागले. ही महिला मयत झाल्याची अफवा पसरली व तीला पाहण्यासाठी गावातील नागरिकांनी मोठी गर्दी केली.  या महिलेला सीपीआर रूग्णालयात उपचारासाठी दाखल करण्यात आले होते. त्यावेळी त्यांचा स्वॅब तपासणीसाठी घेतला होता. शनिवारी (१८)  त्यांचा रिपोर्ट पॉझिटिव्ह आला होता.

हेही वाचा- सीमाभागात शासकीय  महाविद्यालय ; मंत्री उदय सामंत -

दरम्यान, उपचारादरम्यान या महिलेचा काल रात्री उशिरा मृत्यू झाला. यामुळे नागरिकांच्यात प्रचंड घबराट पसरली आहे. त्यांच्या संपर्कातील नागरिकांची माहिती घेण्याचे काम आरोग्य विभागाकडून सुरू आहे.नागरिकांनी घरीच सुरक्षित राहण्याचे आवाहन ग्रामपंचायत, दक्षता समिती आणि आरोग्य विभागाने केले आहे.

संपादन - अर्चना बनगे