गडहिंग्लज : येथील घाळीनगरात माय-लेकाने गळफास घेऊन आत्महत्या केल्याने खळबळ उडाली आहे. वैशाली आनंद कोठावळे (वय ४४) व अवधूत आनंद कोठावळे (वय १८) अशी मृतांची नावे आहेत. शुक्रवारी (ता. २२) रात्री ही घटना उघडकीस आली. आत्महत्येचे नेमके कारण समजू शकले नाही. कोठावळे यांचे मूळ गाव कोगे (ता. करवीर) हे आहे. आनंद कोठावळे येथील पंचायत समितीकडे ग्रामसेवक म्हणून कार्यरत आहेत. ते पत्नी वैशाली व मुलगा अवधूत यांच्यासह घाळीनगरात राहतात.
कोठावळे गेले दोन दिवस घराबाहेर होते. दरम्यान, ते शुक्रवारी (ता.२२) सायंकाळपासून पत्नी व मुलाला फोन करीत होते. पण, त्यावर प्रतिसाद न मिळाल्याने रात्री नऊच्या सुमारास घरी आले. तेव्हा वैशाली व अवधूत यांनी फॅनला गळफास घेऊन आत्महत्या केल्याचे निदर्शनास आले. येथील पोलिसांत या घटनेची नोंद झाली आहे. आनंद कोठावळे यांनी याबाबतची वर्दी दिली असून हवालदार पाटील अधिक तपास करीत आहेत.
(संपादन - स्नेहल कदम)
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.