"भाजप विरोधात जाणाऱ्यांवर 'ईडी' अटळ" 

कोल्हापूर : भाजपकडून केवळ सुडबुध्दीचे राजकारण केले जाते. भाजपकडून देशहितापेक्षा सुड भावनेचीच प्रवृत्ती बाळगली जाते. कारण, भाजपच्या विरोधात जाणाऱ्यांमागे "ईडी'ची चौकशी लावली जाते, अशी टिका राष्ट्रवादी कॉंग्रेसचे प्रदशाध्यक्ष जयंत पाटील यांनी माजी मुख्यमंत्री व विरोधी पक्षनेते देवेंद्र फडणवीस यांच्यावर आज केली. कोल्हापूर येथे एका खासगी कार्यक्रमासाठी आले असता ते बोलत होते. 

 पाटील म्हणाले, भाजप विरोधात कोणत्याही नेत्यांनी जावून चालत नाही. त्यांच्यामागे ईडी लावली जाते. एकनाथ खडसे यांनाही अशाच पध्दतीने नोटीस पाठवली आहे. मात्र, या नोटीसीची भिती बाळगायची गरज नाही. मंगळवेढा विधानसभा मतदार संघाच्या पोटनिवडणूकीत पार्थ पवार यांना उमेदवारी देण्यासंदर्भात कोणतीही चर्चा झालेली नाही.

हेही वाचा- सांगलीतील या पैलवानाची कोल्हापूरच्या खासबाग मैदानात अडीच तास चाललेली कुस्ती इतिहासात सुवर्णमय नोंद -

पक्षाच्या बैठकीतच हा निर्णय घेतला जाईल. मराठा समाजाने काळजी करण्याचे कारण नाही. न्यायालया टिकेल असेच मराठा समाजाचे आरक्षण असल्याचेही श्री पाटील यांनी सांगितले. राज्यात निधी वाटपामध्ये दुजाभाव होत असल्याचा विरोधकांचा गैरसमज आहे. कोरोनामुळे निधी वाटपता काही अंशी मागे-पुढे झाले असेल पण, भविष्यात सर्वांना अपेक्षीत आणि समान निधी वाटप होईल, यात कोणीही शंका बाळगायचे कारण नसल्याचेही  पाटील यांनी सांगितले. 

संपादन- अर्चना बनगे