कोल्हापूर : महापालिकेच्या नियोजनशून्य कारभारामुळे एकाच कामावर पाण्यासारखा कसा पैसा वाया जातो. याचे आणखी एक उदारण समोर आले. महाव्दार रोडवर अमृत योजनेतून नव्या पाईपलाईनसाठी खोदाई सुरु केली. त्याचवेळी येथे 10 वर्षापूर्वी टाकलेली नवी पाईप वापराविना पडून आहे. या पाईपसाठीही त्यावेळी 30 लाखांचा खर्च केला होता. आता या पाईपला जोडणी करण्याऐवजी पुन्हा नवी पाईप टाकण्याचे काम सुरु झाले आहे.
लॉकडाउन असल्याने रस्त्यावर शुकशुकाट आहे. ही संधी साधून महापालिकेने महाव्दार रोडवर आजपासून नव्या पाईपलाईनच्या कामास सुरवात केली. अमृत योजनेच्या निधीतून पाईप टाकण्याचे हे काम आहे. पापाची तिकटी ते बिनखांबी गणेश मंदिर असा हा पाईपचा प्रवास आहे. सध्या हे काम सुरु आहे. याचवेळी हे काम पूर्वी केल्याची माहिती समोर आली. पण आता ही पाईप टिकेल की नाही? अशी शंका उपस्थित करत नवी पाईपलाईन पुन्हा करण्याचा निर्णय महापालिका पाणी पुरवठा विभागाने घेतला आहे.
10 वर्षापूर्वी महाव्दार रोडवर नवी पाईपलाईन टाकून घेण्याचे काम त्यावेळी मी नगरसेवक असताना केले होते. त्यानंतर प्रभाग बदलल्याने या पाईपला नंतर जोडणीच झाली नाही. पण अजूनही ही पाईप तशीच आहे. त्याला एकही जोडणी नाही. आता नवी पाईप टाकण्याऐवजी याच पाईपला कनेक्‍शन जोडले असते. तर होणारा खर्च थांबला असता.
- ईश्‍वर परमार, नगरसेवक
10 वर्षापूर्वीच्या टाकलेल्या पाईपच्या गॅरटीविषयी शंका आहे. या पाईपला जोडणी केली आणि पाईप जुनी असल्याने पाण्याच्या दाबाने ही पाईपलाईन फुटली तर त्याची जबाबदारी कोण घेणार? याशिवाय 2014 मध्ये अमृत योजनेच्या डीपीआरमध्ये या कामाचा समोश आहे. ते रद्द कसे करणार.
- अजित ठाणेकर, नगरसेवक.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.