त्या वृद्धाचा मृत्यू कोरोना मुळे नाही झाला तर.....

कोल्हापूर : सोशल मीडियावर कोरोना मुळे मृत्यू झाल्याच्या अफवा पसरली आहे मात्र या वृद्धाचा मृत्यू कोरोनामुळे नाहीतर निमोनिया मुळे झालेला आहे.  काल एका नागरिकाचा झालेला मृत्यू कोरोना मुळे झाला नसून तो निमोनिया मुळे झाला आहे ही माहिती जिल्हा प्रशासनामार्फत देण्यात आली आहे .त्यामुळे नागरिकांनी अशा अफवा वरती विश्वास ठेवू नये असे आवाहन करण्यात आले आहे.

हेही वाचा- सायब रासन मिलेगा क्या?   त्या महिलांनी विचारला प्रश्न अन्.... 

टोप येथील ७५ वर्षीय रुग्ण  मधुमेहाने आजारी होते. काल त्यांना उपचारासाठी सीपीआरला दाखल केले होते. त्यांना न्युमोनिया झाल्याचे निष्पण झाले. त्यांची कोणतीही ट्रॕव्हल वा कोरोनो संसर्गिताशी संपर्काची कोणतीही पार्श्वभूमी नाही. तरीही खबरदारीचा उपाय म्हणून त्यांचा स्वॕब नमुना तपासणीसाठी पाठविला असून अद्याप त्याचा अहवाल अप्राप्त आहे. मधूमेह आणि न्युमोनियाने गंभीर असणाऱ्या या रुग्णावर उपचार सुरु असताना आज सकाळी ८-३० वा त्यांचा मृत्यू झाला  अशी माहिती जिल्हा शल्य चिकित्सक डाॕ बी सी केम्पी पाटील.यांनी दिली.

हेही वाचा- आदेशाचा भंग : आष्ट्यात पेट्रोलपंप मालकावर गुन्हा -
दरम्यान कोल्हापूर येथे दोन रुग्णांना कोरोना संसर्ग झाला आहे त्यामुळे नागरिकांच्या भीती निर्माण झाली आहे अशा वेळी कोरोना शी संबंधित कोणीही ही अफवा पसरू नये असे आवाहन जिल्हा प्रशासनामार्फत करण्यात आले आहे अन्यथा अशा व्यक्तीविरुद्ध कायदेशीर कारवाई करण्याचा इशाराही त्यांनी दिला आहे.