निपाणी - कोरोनाच्या पार्श्वभूमीवर नवीन शैक्षणिक वर्षाला केंव्हा प्रारंभ होणार, याबाबत संभ्रमावस्था असली तरी शाळा सुरू करण्याबाबतची तयारी सुरू आहे. शिक्षण खात्याच्या सूचनेनुसार दोन दिवसांपासून माध्यमिक आणि प्राथमिक शिक्षक शाळेत उपस्थित रहात असले तरी विद्यार्थी मात्र अजून घरातच आहेत. शिक्षक मुख्यालयात तयारीसह शालेय कामकाज करत आहेत.
जिल्ह्यामध्ये कोरोनाचा प्रादुर्भाव व रुग्णांच्या संख्येत वाढ होत आहे. अनेक गावातील प्राथमिक व माध्यमिक शाळा क्वारंटाइनसाठी प्रशासनाने ताब्यात घेतल्या आहेत.
दरवर्षी २८ मे रोजी नवीन शैक्षणिक एक वर्ष सुरू होत. मात्र यंदा ९ जून उलटूनही शासनस्तरावरून कोणत्याही सूचना आलेल्या नाहीत. मात्र नव्या शैक्षणिक वर्षाच्या पूर्वतयारीसाठी निपाणी गटशिक्षणाधिकारी कार्यालय कार्यक्षेत्रातील शिक्षक, मुख्याध्यापकांना शाळेत हजर होण्याचे आदेश देण्यात आले आहेत. शासनाकडून आलेल्या सूचनांची अंमलबजावणी, शाळा व परिसराची स्वच्छता, शैक्षणिक पटनोंदणी, मोफत पाठ्यपुस्तक वितरण आणि इतर कामात शिक्षक व्यस्त आहेत. काही शिक्षकांना कोरोनाच्या पार्श्वभूमीवर ड्युटी दिली आहे.
दहावीचे विद्यार्थी अभ्यासात व्यस्त
कोरोनामुळे यंदा दहावीची परीक्षा वारंवार पुढे गेली. आता शिक्षण खात्याने २५ जूनपासून दहावीच्या परीक्षेचे नियोजन केले आहे. त्यामुळे हे विद्यार्थी अभ्यासात व्यस्त आहेत.
'शाळा सुरू होण्याबाबत अद्याप शिक्षण खात्याने स्पष्ट निर्देश दिलेले नाहीत. तरीही नवीन शैक्षणिक वर्षाची पूर्वतयारी म्हणून मुख्याध्यापक आणि शिक्षकांना शाळेत हजर राहून वरिष्ठांच्या आदेशानुसार कामकाज करण्याची सूचना केली आहे.'
- रेवती मठद, गटशिक्षणाधिकारी, निपाणी
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.