प्रोजेक्‍ट अँड डिझाईन बेस्ड शिक्षण आहे प्रभावशाली; कोल्हापूरच्या डॉक्टरांनी संशोधनात केले सिद्ध 

 project and design based education research by dr arun patil kolhapur
project and design based education research by dr arun patil kolhapur

कोल्हापूर : बदलत्या काळात शिक्षणाच्या पद्धतीही बदलत आहेत. कालानुरूप व सुसंगत अशा शिक्षण पद्धतीचा अवलंब अनेक देश करतात. अभियांत्रिकी क्षेत्रातही अशाच पद्धतीच्या शिक्षणाविषयी संशोधन होत आहे. अभियांत्रिकीच्या बदलत्या शिक्षण पद्धतीत कोल्हापुरातील डॉ. अरुण पाटील यांनी नावलौकिक प्राप्त केला आहे. अभियांत्रिकीचे शिक्षण चार भिंतींच्या आत देण्यापेक्षा प्रोजेक्‍ट अँड डिझाईन बेस्ड शिक्षण हे अधिक प्रभावशाली असल्याचे त्यांनी संशोधनात सिद्ध केले आहे. तसेच नामांकित विद्यापीठातून हे प्रात्यक्षिकाद्वारे विद्यार्थ्यांपर्यंत पोहोचवले आहे.

डॉ. पाटील हे कुरकली (ता. कागल) चे. शिवाजी विद्यापीठातून इलेक्‍ट्रॉनिक्‍स या विषयातून एमएस्सीचे शिक्षण घेतले. सांगली येथील वालचंद अभियांत्रिकी महाविद्यायातील १० वर्षांच्या अध्यापनाच्या अनुभवानंतर त्यांना युनेस्कोने पीएचडीसाठी स्कॉलरशिप प्रदान केली. या स्कॉलरशिपवर त्यांनी ऑस्ट्रेलियातील मेलबर्न मोनॅश विद्यापीठातून अभियांत्रिकी शिक्षण नेमक्‍या कोणत्या पद्धतीतून शिकवावे, तसेच ‘अभियांत्रिकी क्षेत्रातील शिक्षण पद्धतीतील बदल’ या विषयावर संशोधन केले.

ऑस्ट्रेलियासह एशिया आणि युरोपमधील काही देशांतील अभियांत्रिकी क्षेत्रातील शिक्षण देणाऱ्या विविध विद्यापीठांसाठी त्यांनी मोलाचे योगदान दिले आहे. त्यांच्या या संशोधनामुळे अभियांत्रिकीचा अभ्यासक्रम कसा असावा आणि कसा अमलात आणावा, यासाठी विविध देशांत रोल मॉडेल उभे केले आहे.

डॉ. पाटील यांची इतर कामगिरी
 सेंट्रल क्वीन्सलॅंड विद्यापीठाचे डेप्यूटी डीन पदावर काहीकाळ कार्यरत
 ऑस्ट्रेलियातील डिकीन युनिव्हर्सिटीचे पदव्युत्तर विभागप्रमुख
 अमिटी युनिव्हर्सिटीमध्ये कुलगुरू पदावर काहीकाळ कार्यरत

संपादन- अर्चना बनगे

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com